Իրանի Խուզեստան նահանգի իշխանությունները Ահվազում զորահանդեսի ժամանակ իրագործված ահաբեկչական հարձակումից հետո, որի հետեւանքով զոհվել էր 28 մարդ, սեպտեմբերի 24-ը սգո օր է հայտարարել: IRNA գործակալության փոխանցմամբ՝ այս մասին նշված է հոգեւոր առաջնորդ Մուհամմեդ Ալի Մուսավի Ջազեայրիի եւ գեներալ-նահանգապետ Ղոլամա Ռեզու Շարիաթիի համատեղ հայտարարության մեջ: Փաստաթղթում նշված է, որ ահաբեկչությունը «իրանցի ազգի եւ իսլամական համակարգի կույր թշնամիների ստոր բնույթի» մերկացումն է:
«Ոխերիմ թշնամիները եւ վարձկանները կարծում են, որ ահաբեկչությունները մարդկանց շրջանում պառակտում կմտցնեն, …նրանք պետք է իմանան, որ իրենց կույր գործողությունները ոչ մի արդյունք չեն ունենա, քանի որ ժողովուրդն ու ուժայիններն աչալուրջ են»,- նշված է հաղորդագրության մեջ:
Ահաբեկչական հարձակումն իրագործվել է սեպտեմբերի 22-ի առավոտյան. անհայտ անձինք կրակել են Ահվազում անցկացվող զորահանդեսի մասնակիցների վրա: Տեղի ունեցածի հետեւանքով զոհվել է 28 մարդ, եւս 60-ը վիրավորվել է: