Հայք (Հայկազուններ) կուսակցության քաղաքապետի թեկնածու Գևորգ Հովսեփյանը իր շանսերը բավական բարձր է գնահատում իր շանսերը եւ կարծում է՝ մեծ արդյունքներ կարձանագրեն Երեւանի ավագանու արտահերթ ընտրություններին։ Այս մասին NEWS.am-ի հետ զրույցում ասաց քաղաքապետի թեկնածուն։
«Ես կասկածներ չունեմ, որ մենք բավական լավ ցուցանիշներ կարձանագրենք։ Ես քվեարկեցի հանուն Երեւանի, որ իր նախնական դիմագիծը վերագտած հայը կապրի այնպես, ինչպես իրենց ավանդել են իրենց նախնիները»,–ասաց Գեւորգ Հովսեփյանը։
Քաղաքաքպետի թեկնածուն նշեց, որ չհաղթելու դեպքում ինքը պատրաստ է շնորհավորել հաղթած թեկնածուին եւ նույնիսկ պատրաստ է հաղթող թեկնածուին տրամադրել իր ծրագիրը՝ քաղաքը հետագայում ավելի արդյունավետ կառավարելու համար։
Հիշեցնենք, որ այսօր՝ սեպտեմբերի 23-ին, ընթանում են Երեւանի ավագանու արտահերթ ընտրությունները, որոնք կտեւեն մինչեւ երեկոյան 20.00-ն: Երեւանի ավագանու ընտրություններին մասնակցում է 12 քաղաքական կուսակցություն ու դաշինք:
Նշենք, որ Երեւանի ավագանու անդամների թիվը 65 է: Քաղաքական ուժերի ցուցակները գլխավորողները համարվում են քաղաքապետի թեկնածուներ: