Երեկ Հալեպից ուղեւորվեցինք Լիբանան: Այստեղ եւս գտնվում եմ աշխատանքային այցով: Այս մասին Facebook-ի իր էջում գրել է Սփյուռքի նախարար Մխիթար Հայրապետյանը:
Նա, մասնավորապես, գրել է.
«Լիբանանի Հանրապետությունում առաջին հանդիպումներս տեղի ունեցան, այսպես կոչված, «Բեքաայի հայկական օազիսում»՝ հիմնականում հայաբնակ Այնճարում:
Հանդիպեցի քաղաքապետ Վարդգես Խոշյանի, «Յառաջ-Գ. Կիւպէնկեան» վարժարանի տնօրենի Արմեն Թաշչյանի, հոգեւոր հայրերի, համայնքային կառույցների ներկայացուցիչների, գործարարների ու պարզապես այնճարցիների հետ:
Մյուս հանդիպումներս Բեյրությում են»: