Ճապոնիայի վարչապետ Սինձո Աբեն հայտարարել է, որ այս շաբաթ երկու երկրների առեւտրային բանակցությունների երկրորդ փուլից առաջ Նյու Յորքում ԱՄՆ նախագահ Դոնալդ Թրամփի հետ առեւտրի վերաբերյալ կառուցողական բանակցություններ է անցկացրել: Այս մասին հաղորդում է Reuters-ը:
Աբեն հաղորդել է, որ Թրամփի հետ քննարկել է առեւտուրն ու ներդրումները: Կողմերը վերահաստատել են Կորեական թերակղզու ամիջուկայնացմանն իրենց հանձնառությունը: Ճապոնիայի վարչապետը հայտարարել է, որ ՄԱԿ-ի Գլխավոր ասամբլեայի շրջանակներում երկրրոդ հանդիպման ընթացքում Թրամփի հետ առեւտրի մասին հարցեր կքննարկի, երբ Ճապոնիայի եւ ԱՄՆ-ի ներկայացուցիչների միջեւ այդ հարցի շուրջ բանակցությունները կայանան:
«Ինչ վերաբերում է Հյուսիսային Կորեայի խնդրին, ապա մենք համաձայնեցինք ավելի ուժեղացնել իմպուլսը, որը ստեղծվել էր հունիսին Միացյալ Նահանգների եւ Հյուսիսային Կորեայի պատմական գագաթաժողովում եւ սերտորեն համագործակցել Կորեայի թերակղզու ապամիջուկայնացման գործընթացի իրականացման համար», - ասել է Աբեն: