News
Լրահոս
News
Կիրակի
Հոկտեմբեր 17
Տեսնել լրահոսը

ՀՀ վարչապետ Նիկոլ Փաշինյանը Մանհեթնի «Յեյլ» ակումբում փակ հանդիպում է ունեցել, որի ընթացքում հայտնել է, որ Երեւան վերադառնալուն պես սկսելու է բանակցություններ խորհրդարանական ուժերի ղեկավարների հետ` ԱԺ-ն ցրելու մասին: Այս մասին Facebook-ի իր էջում գրել է քաղաքագետ Հայկ Մարտիրոսյանը, ով նաեւ լուսանկար է հրապարակել այդ հանդիպումից: 

Նա, մասնավորապես, նշել է.

«Վարչապետն ասաց, որ իրադարձությունների զարգացումը հուշում է, որ նախկինում իր նախատեսած առաջիկա ամառվա ամիսների այդ գործողությունը անհրաժեշտ է այլեւս հնարավորինս շուտ անել: Ակնհայտորեն դա կապված է ոչ միայն ՀՀԿ-ի ավելի ու ավելի ագրեսիվացող կեցվածքի, այլեւ` ՔՊ-ի ավագանու ընտրություններում բացարձակ հաղթանակի հետ:

Նաեւ` որ անցումային արդարադատությունը չի լինելու արտակարգ դատարանների տեսքով, այլ` ասենք, լինելու է նաեւ գործիք, որով հնարավոր է լինելու հետաքննել մասնավոր անձանց ապօրինի գումարների ծագման ուղիները: Ակնհայտորեն դա այն անցումային արդարադատության մոդելը չէ, որով կքանդվեր գորդյան հանգույցը եւ ապօրինություններ գործող դատավորները մասսայականորեն կզրկվեին աշխատանքից:

Անդրադարձ եղավ նաեւ ավագանու ընտրություններում մյուս ուժերի պարտությանը եւ դրա խորհրդին: Ի թիվս այլոց` նշվեց նաեւ Լույս դաշինքի անունը եւ ասվեց, որ ավագանի չանցնելն այդ ուժերի համար նշանակում է, որ ժողովուրդը նրանց չի սատարում: Սա թերեւս վարչապետը համարում է նոր մանդատ` քաղաքական մյուս ուժերի հետ այլ դիրքերից այլեւս խոսելու, թեեւ իմ համոզմամբ, նա այդ մանդատը վաղուց ուներ: Ընդհանրապես իմ մոտ տպավորություն է, որ ամեն կարեւոր քայլից առաջ վարչապետը միտում ունի ժողովրդական նոր մանդատներ հայցելու եւ ստանալու: Կարծում եմ դա շատ արդարացված տարբերակ չէ, որովհետեւ ամեն բան հեղափոխության ուժով անելու անվերապահ մանդատ նա վաղուց է ստացել: Մնում է այն ամբողջ ուժով իրացնել: Ռիսկեր կան, որ այդ ներառական մանդատը տրոհելով եւ բազմապրոֆիլ չիրացնելու արդյունքում` նոր մանդատների ստանալն ավելի կդժվարանա: Իսկ դրանց անհրաժեշտությունն ամենեւին չկա:

Պարզ դարձավ նաեւ, որ վարչապետը լուրջ չի վերաբերվում սեփական անձի անվտանգության շուրջ արտահայտվող մտահոգություններին եւ համարում է, որ վարչապետը չի կարող ազատորեն չզբոսնել սեփական քաղաքով:

Ակնհայտ է նաեւ, որ վարչապետը համարում է, որ հեղափոխության անկասելիության երաշխավորը ժողովուրդն է, եւ որ դա արդեն բավարար է հակահահեղափոխություն չլինելու համար: Չնայած դրան` հայտնի է, որ հաճախ հակահեղափոխությունները տեղի են ունենում առանց լայն զանգվածների մասնակցությամբ, իսկ ժողովուրդը միջամտելու հնարավորություն հաճախ այլեւս չի ստանում: Դրանք սովորաբար տեղի են ունենում հեղաշրջումների տեսքով:

Սա այն բացառիկ հանդիպումներից է, երբ անուղղակիորեն ստանում ես քեզ վաղուց տանջող քաղաքական մի շարք հարցերի պատասխանները:

Հանդիպմանն անդրադառնալու եւ եւս մեկ անգամ մտորելու կարիք կա կարծում եմ»:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
«Հրապարակ». «Հ1»-ի գաղափարական կոնտրոլը հուսալի ձեռքերում է
Բարսեղյանը Փաշինյանի հավատարիմ անձանցից է, եղել է «Հայկական ժամանակի» լրագրող...
«Ժողովուրդ». Ապօրինի որդեգրումների գործով Քննչական կոմիտեն որոշում ունի
«Ժողովուրդ» օրաթերթը տեղեկացավ, որ որդեգրումների գործը երկու մասի է բաժանվելու...
«Ժողովուրդ». Ստեփանավանի քաղաքապետի ՔՊ թեկնածուն հայտնի է
Ստեփանավանում տեղական ինքնակառավարման մարմինների ընտրությունները նոյեմբերի 14-ին են նշանակված: Եվ, փաստորեն, այստեղ նույնպես...
«Հրապարակ». Ինչպես Փաշինյանն է ասում՝ «պլյուս-մինուս 700» քովիդով մահացածները եղանակ չեն փոխում
Տնային մահերի վիճակագրությունը, ըստ ԱՆ-ի, վարում է...
«Ժողովուրդ». Հայկ Մարությանը պետք է գա խորհրդարան. պատգամավորները որոշում ունեն
Մեր տեղեկություններով՝ իշխանական թևը կարծում է, որ քաղաքապետ Մարությանի՝ խորհրդարան գալու դեպքում պետք է նրան «նեղը գցել»...
«Փաստ». Ինչո՞ւ 2018 թ. հեղափոխությանը պաշտոնապես միացած առաջին համայնքապետը ժ/պ չի նշանակվել
Ի դեպ, հիշեցնենք, որ Արսեն Աղաբաբյանը Նիկոլ Փաշինյանի՝ 2018 թ. հեղափոխությանը պաշտոնապես միացած առաջին համայնքապետն է եղել...
Ամենաշատ