News
Լրահոս
News
Երեքշաբթի
Հոկտեմբեր 26
Տեսնել լրահոսը

Ֆրանսիան, Իսպանիան, Իտալիան եւ Միացյալ Թագավորությունը գուցե աշխարհի առաջատար զբոսշրջային կենտրոններից են, որոնց թվում Ֆրանսիան տարեկան 86.9մլն միջազգային զբոսաշրջիկներով առաջին հորիզոնականն է գրավում, սակայն այս արդեն իսկ հայտնի երկրներն իրենց ցուցանիշներում միայն որոշակի աճ կարող են գրանցել : Այս մասին Bloomberg-ում գրում է Նիքի Էքշտայնը:

Արդյունքում պակաս հայտնի վայրերը, ինչպիսին է Մոլդովայի Հանրապետությունը, հնարավորություն են ստանում ավելի արագ առաջ անցնելու: ՄԱԿ-ի Համաշխարհային զբոսաշրջության կազմակերպության 2017 թվականի տվյալներով` Ֆրանսիայում զբոսաշրջությունն աճել է 5.1%-ով, մինչդեռ Մոլդովայում այցելուների թիվն աճել է 19.6%-ով` նախորդ տարի հասնելով 145,000-ի:

Cox & King’s հանրահայտ զբոսաշրջային ընկերության ամերիկյան մասնաճյուղի ղեկավար Ուորեն Չանգը ասում է, որ Եվրոպայի այս արագ զարգացող վայրերի մասին խոսելիս հաճախ գործ ունենք դրանց պակաս ճանաչվածության հետ` համեմատած ավելի հայտնի երկրների հետ, մինչդեռ դրանցից շատերն ունեն ակնառու պատմություն եւ իրապես ռոմանտիկ զգացում, որոնց գումարվում են մշակութային բազմազանությունն ու գեղեցիկ բնությունը: Նրա կարծիքով` մյուս առավելությունը մատչելիությունն է:

Հոդվածում ներկայացված են Արեւմտյան Եվրոպայից այն կողմ`դեպի Կենտրոնական Ասիա եւ Միջին Արեւելք, գտնվող այն 10 երկրները, որտեղ զբոսաշրջությունը տարեկան առավելագույն աճ է գրանցում: Դրանց թվում` Բոսնիա եւ Հերցեգովինայի, Մոլդովայի, Ադրբեջանի, Մակեդոնիայի, Իսլանդիայի, Թուրքիայի, Իսրայելի, Վրաստանի եւ Սան Մարինոյի հետ հայտնվել է նաեւ Հայաստանը:

Տարեկան 18.65% աճի ցուցանիշով` Հայաստանը ցուցակում 10-րդն է: 2019 թվականին Չանգը ծրագրում է բացահայտել նաեւ Հայաստանը. իրականում Cox & King's-ը մտադիր է նոր ճամփորդական փաթեթ կազմել` Հայաստանն ու Վրաստանը միավորելով մեկ երթուղու մեջ:  Հայաստանում արդեն իսկ զբոսաշրջային արշավներ կազմակերպողների թվում են  Abercrombie & Kent, Ker & Downey եւ TCS World Travel ընկերությունները, որոնք միասին ուղեւորություններ են ծրագրում դեպի պատմական Արարատ լեռան բարձունքները (, գեղեցիկ մայրաքաղաք Երեւանը, ինչպես նաեւ անդրադառնում են հայերի ամենահայտնի պատմական հետնորդներին` Քարդաշյաններին:

Նշվում է, որ Abercrombie & Kent-ի կազմակերպած շրջագայության ընթացքում այցելուները նաեւ հնարավորություն են ստանում ծանոթանալու տեղի ավանդույթներին, ինչպես օրինակ` կոնյակի գործարան այցելելն է, գորգագործներին հանդիպելը, հնամենի տաճարներում հոգեւոր տաղեր լսելը եւ հայկական ընտանիքում լավաշ թխել սովորելը:

Տպել
Կարդացեք նաև
Ամբողջը
Եգիպտոսի զբոսաշրջության նախարարությունը հյուրանոցներին թույլատրել է աշխատել առավելագույն ծանրաբեռնվածությամբ
Այժմ Եգիպտոսում պատվաստումների արշավ է ընթանում...
Թաիլանդն արագացնում է օտարերկրացիների համար երկիրը բացելու ծրագրերը
Կորոնավիրուսի հետ կապված իրավիճակի կառավարման կենտրոնը նաեւ հայտնել է սահմանափակումների թուլացման մասին, ներառյալ՝ պարետային ժամի
Ռուս-հայկական ութերորդ համաժողովի շրջանակներում քննարկվեց Հայաստանում եւ Արցախում զբոսաշրջության ոլորտը
Ռուսաստանի տնտեսական զարգացման փոխնախարար Դմիտրի Վոլվիչն իր ողջույնի խոսքում ընդգծեց ոլորտի կարեւորությունը․․․
Ֆիլիպինները թույլատրել են առանց կարանտինի մուտքը 49 երկրներից պատվաստվածների համար
Ցուցակում են՝ Չինաստան, Նոր Զելանդիա, Լեհաստան, Տաջիկստան, Թուրքմենստան, Ուզբեկստան, Սիրիա եւ ԿԺԴՀ։
Բալին բացվել է զբոսաշրջիկների համար, սակայն առայժմ՝ ընդամենը 19 երկրներից
Այդ երկրների թվում են՝ Չինաստանը, Հնդկաստանը, Ճապոնիան, Հարավային Կորեան, Սաուդյան Արաբիան, Արաբական Միացյալ Էմիրությունները, Նոր Զելանդիան, Քուվեյթը․․․
Թաիլանդը նախատեսում է նոյեմբերից ամբողջությամբ բացել երկիրը պատվաստված զբոսաշրջիկների համար
Մինչեւ համավարակը Թաիլանդը տարեկան մոտ 40 միլիոն զբոսաշրջիկ էր գրավում իր տեսարժան լողափերով եւ աշխույժ գիշերային կյանքով, ընդ որում, զբոսաշրջությունը կազմում էր երկրի ազգային եկամտի գրեթե 20 տոկոսը: Սակայն կորոնավիրուսի հետ կապված ճանապարհորդական սահմանափակումները վնաս են հասցրել տնտեսությանը՝ հանգեցնելով վատթարագույն ցուցանիշներին վերջին ավելի քան 20 տարվա ընթացքում...
Ամենաշատ