News
Լրահոս
News
Ուրբաթ
Հոկտեմբեր 19
Տեսնել լրահոսը


Հայաստանում իշխանությունը խաղաղ փոխանցելու գործընթացը փայլուն օրինակ է՝ ասել է ՄԱԿ-ի Գլխավոր քարտուղար Անտոնիո Գուտերեշը ՀՀ վարչապետ Նիկոլ Փաշինյանին ՄԱԿ-ի կենտրոնակայանում՝ անդրադառնալով մեր երկրում տեղի ունեցած քաղաքական փոփոխություններին։ Այս մասին NEWS.am–ին հայտնում են ՀՀ վարչապետի լրատվական ծառայությունից։

ՄԱԿ-ի գլխավոր քարտուղարը հույս է հայտնել, որ Հայաստանը կընթանա վերընթաց զարգացման ճանապարհով` իրականացնելով նորանոր բարեփոխումներ տարբեր ուղղություններով:

Կողմերը մտքեր են փոխանակել Հայաստանում արտահերթ խորհրդարանական ընտրություններ անցկացնելու շուրջ և կարևորել այնպիսի բարեփոխումները, որոնք նույնիսկ տեխնիկապես կբացառեն ընտրախախտումների հնարավորությունները: Այդ համատեքստում, Նիկոլ Փաշինյանը կարևորել է ՄԱԿ-ի կողմից տեխնիկական աջակցության շարունակական անհրաժեշտությունը:

Վարչապետն ընդգծել է, որ երկկողմ արդյունավետ փոխգործակցությունը նպաստում է մեր երկրում տարբեր ոլորտներում բարեփոխումների իրականացմանն ու հույս հայտնել, որ այդ ծրագրերը ոչ միայն կկրեն շարունակական բնույթ, այլ նաև կստանան նոր ազդակներ:

Վարչապետ Փաշինյանը կարևորել է ՀՀ կառավարության և Միավորված ազգերի կազմակերպության միջև սերտ և ամուր համագործակցությունը` ՄԱԿ-ի հռչակած արժեքների պաշտպանության և ամրապնդման գործում:

Վարչապետն ընդգծել է, որ Հայաստանն ակտիվորեն ներգրավված է ՄԱԿ-ի և դրա կառույցների աշխատանքներում և հավելել, որ ՄԱԿ-ի թիրախային հետագա աջակցությունը Հայաստանին կխթանի և կամրապնդի Հայաստանի զարգացման ներուժը։

Անտոնիո Գուտերեշը համոզմունք է հայտնել, որ Հայաստանի հետ արդյունավետ համագործակցությունն առավել կամրապնդվի և կզարգանա:

Հանդիպմանն անդրադարձ է եղել նաև Լեռնային Ղարաբաղի հակամարտության կարգավորման գործընթացին: Վարչապետը շնորհակալություն է հայտնել Գլխավոր քարտուղարին` ԼՂ հակամարտության խաղաղ կարգավորման ուղղությամբ ԵԱՀԿ Մինսկի խմբի համանախագահների և ԵԱՀԿ գործող նախագահի անձնական ներկայացուցչի ջանքերին լիակատար աջակցություն ցուցաբերելու համար:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
ՀՀ ԱԳ նախարարը ԵՄ ներկայացուցչի հետ քննարկել է Սիրիայի, Իրանի եւ Արցախի հարցերը
Մնացականյանը նշել է, թե Հայաստանը մեծապես կարեւորում է ԵՄ-ի հետ ձեւավորված սերտ գործընկերային համագործակցությունը․․․
ՌԴ ԱԳՆ․ ԵԱՀԿ ՄԽ համանախագահները մոտ ժամանակներս տարածաշրջան կայցելեն
Ռուսաստանի, որպես ԵԱՀԿ ՄԽ համանախագահող երկրի, դիրքորոշումը մնում է անփոփոխ․․․
Ադրբեջանի ԱԳ նախարարը ֆրանսիացի միջնորդի հետ քննարկել է ղարաբաղյան հակամարտության կարգավորման հարցը
ողմերը քննարկել են Լեռնային Ղարաբաղի բանակցային գործընթացը․․․
Անջեյ Կասպրշիկը Ադրբեջանի պաշտպանության նախարարի հետ քննարկել է ղարաբաղյան հակամարտության գոտու իրավիճակը
Հանդիպման ընթացքում կարծիքների փոխանակում է կատարվել…
Դիտարկումը Շահումյանի ուղղությամբ. ադրբեջանական կողմը ԵԱՀԿ առաքելությունը դուրս չի բերել իր առաջապահ դիրքեր
Դիտարկման առաքելությանը արցախյան կողմից ուղեկցել են Արցախի Հանրապետության արտաքին գործերի նախարարության և պաշտպանության նախարարության ներկայացուցիչները...
ԵԱՀԿ դիտարկում կանցկացնի Շահումյանի Գյուլիստան գյուղից դեպի հարավ ընկած հատվածում
Արցախի Հանրապետության իշխանությունները պատրաստակամություն են հայտնել աջակցել դիտարկման անցկացմանը եւ ապահովել ԵԱՀԿ առաքելության անդամների անվտանգությունը…
Ամենաշատ
Partner news