Instagram սոցցանցի սատեղծողներ Քեւին Սիսթրոմը եւ Մայք Քրիգերը հրաժարական են ներկայացրել եւ մտադիր են առաջիկա շաբաթներին ընկերությունից հեռանալ, փոխանցում է «ՌԻԱ Նովոստի»-ն:
«Մայքը եւ ես շնորհակալ ենք վերջին 8 տարին Instagram-ում եւ 6 տարին Facebook-ի թիմի հետ անցկացնելու համար… Հիմա մենք պատրաստ ենք մեր կյանքի նոր հատվածին»,- նշված է Instagram-ի կայքում հրապարակված Սիսթրոմի հայտարարության մեջ:
New York Times պարբերականն իր հերթին հայտնում է, որ ծառայության ղեկավար Սիսթրոմը եւ տեխնիկական տնօրեն Քրիգերը ընկերությունից հեռանալու իրենց որոշման մասին հայտնել են Instagram-ի եւ Facebook-ի ղեկավար խմբին: Facebook-ի ներկայացուցիչները, որը Instagram-ի սեփականատերն է, այս որոշումը դեռեւս չեն մեկնաբանել: Ընդ որում, ինչպես հայտնում է պարբերականը, Սիսթրոմի եւ Քրիգերի հեռանալը Instagram-ի ապագան հարցականի տակ է դնում: