Հնդկաստանի հյուսիսում ուժեղ անձրեւների պատճառով առնվազն 45 մարդ է անհայտ կորած համարվում, հայտնում է ANI գործակալությունը։

Գործակալության տվյալներով՝ մարդիկ կորել են Հիմաչալ Պրադեշ նահանգի Լահուլ եւ Սփիտի շրջաններում։ Անհետ կորածների թվում 35–ը Րուրկի քաղաքի Տեխնոլոգիական ինստիտուտի ուսանողներ են։

Ավելի վաղ Times of India պարբերականը նշել է, որ առնվազն 11 մարդ է զոհվել, եւս մի քանիսն էլ տուժել են վարարումների ու սողանքների պատճառով։ Փենջաբ նահանգում վտանգի կարմիր մակարդակ է հայտարարվել։ Ջամու եւ Քաշմիր նահանգում եւ Հիմաչալ Պրադեշ նահանգի մեծ մասում դպրոցները փակ են։