News
Լրահոս
News
Երեքշաբթի
Օգոստոս 04
USD
485.66
EUR
572.79
RUB
6.59
ME-USD
0.02
Տեսնել լրահոսը

Հայաստանում տեղի ունեցող փոփոխությունները Եվրամիության հետ հարաբերությունների զարգացման հզոր խթան կդառնան: Հայաստանում ԵՄ պատվիրակության ղեկավար, դեսպան Պյոտր Սվիտալսկին այսպիսի կարծիք հայտնեց սեպտեմբերի 25-ին Երեւանում ընթացող Հայաստան-Եվրամիություն Առեւտրի հարցերում համագործակցության կոմիտեի առաջին նիստում ունեցած իր ողջույնի ելույթում:

Նրա խոսքով՝ հանրապետության նոր ղեկավարության նախանշած առաջնահերթությունները առեւտրի եւ ներդրումների ոլորտում Հայաստանի եւ ԵՄ-ի միջեւ հարաբերությունների զարգացման հզոր խթան կդառնան: «Նոր ղեկավարության հայտարարած առաջնահերթությունները միագամայն բավարար են առեւտրի եւ ներդրումների ոլորտում շահերի պաշտպանության համար, եւ կարծում եմ՝ կառավարությունը հրաշալի գիտի, թե այս ուղղությամբ ինչ պետք է արվի»,- նշեց դեսպանը:

Ըստ նրա՝ խոսքն առաջին հերթին վերաբերում է կոռուպցիան արմատախիլ անելուն. Սվիտալսկին վստահ է, որ դրա դեմ հաղթանակը Հայաստանին հնարավորություն կընձեռի ԵՄ-ում նոր գործընկերներ գտնել եւ եվրոպական ներդրումներ ներգրավել:

Կառավարության նախանշած երկրորդ առաջնահերթությունը՝ դատական համակարգի անկախությունը, Եվրամիության պատվիրակության ղեկավարի կարծիքով, նույնպես կնպաստի եվրոպական ընկերությունների հետ գործընկերության հաստատմանը, քանի որ դատական համակարգի անկախությունը երաշխավորում է բիզնեսի պաշտպանությունն ու անվտանգությունը՝ դրանով մեծացնելով Հայաստանով գործարարների հետաքրքրվածությունը: «Մենք կցանկանայինք Հայաստանում տեսնել ավելի շատ եվրոպական ընկերություններ, ավելի շատ եվրոպական ներդրումներ, եւ ոչ միայն դրամական հոսքերի տեսքով, այլեւ նոու-հաուի, գիտելիքների, տեխնոլոգիաների, կառավարման մշակույթի»,- պարզաբանեց Պյոտր Սվիտալսկին:

Եվրոպական հանձնաժողովի առեւտրի հարցերով Գլխավոր տնօրինության ստորաբաժանման ղեկավար Պետրոս Սուրմելիսն իր հերթին ընդգծեց. «Մենք վստահ ենք, որ Հայաստանի կառավարության նախանշած փոփոխությունները ԵՄ-ի հետ համագործակցությունը միայն կամրապնդեն եւ կնպաստեն առեւտրային հարաբերությունների հետագա զարգացմանը, իսկ Հայաստան-ԵՄ Համապարփակ եւ ընդլայնված գործընկերության մասին համաձայնագիրը երկրին հնարավորություն կտա իրականացնել նախանշած բարեփոխումները, բարելավել գործարար կլիման, ներգրավել արտասահմանյան ներդրումներ, խթանել երկրի ընդհանուր զարգացումը, նպաստել աղքատության մակարդակի կրճատմանը: ԵՄ-ն Հայաստանին աջակցելու պատրաստակամություն է հայտնում այս նպատակներին հասնելու գործում»:

Նշենք, որ Հայաստանի Վիճակագրական կոմիտեի տվյալներով՝ Հայաստանի եւ ԵՄ-ի միջեւ արտաքին առեւտրաշրջանառությունը 2017 թվականի արդյունքներով 1 մլրդ դոլարից անցել է, որ մեկ տարվա վաղեմության ցուցանիշից 36,1 տոկոսով ավելի է: Մասնավորապես՝ արտահանումն աճել է 22 տոկոսով՝ մինչեւ 432,4 մլն դոլար, ներմուծման 47,8 տոկոս աճի պայմաններում՝ մինչեւ 633,3 մլն դոլար: ԵՄ-ն Հայաստանի երկրորդ առեւտրային գործընկերն է, երկրի արտաքին առեւտրաշրջանառության կառուցվածքում նրա բաժինը կազմում է 26 տոկոս:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
Եվրամիության երկրները պետք է խուսափեն ներքին սահմանները փակելուց
ԵՄ ՀՆԱ-ն նվազել է ռեկորդային 14,4 տոկոսով
Նշվում է, որ այդ նվազումը դարձել Է ամենալուրջը 1995 թվականին դիտարկումներն սկսվելուց ի վեր:
Եվրամիությունը մեկ տարով երկարաձգել է ԿԺԴՀ-ի նկատմամբ պատժամիջոցները
ԵՄ երկրները պետք է անհապաղ միջոցներ ձեռնարկեն 5G ցանցերի համար իրենց մատակարարների դիվերսիֆիկացման ուղղությամբ․ ԵՀ
Ռազմավարությունը երկրների ռւ հեռահաղորդակցման օպերատորների՝ մեկ մատակարարից կախվածության նվազեցում էր ենթադրում․․․
Գործելու եւ Թուրքիայի դեմ պատժամիջոցներ սահմանելու մասին հարցը քննարկելու ժամանակն է. ԵԺԿ ղեկավար
Բոլորս տեսել ենք Թուրքիայի կողմից ռազմական գործողությունները, մենք նաեւ տեսել ենք Սուրբ Սոֆիայի տաճարի վերաբերյալ որոշումը, որը կրոնական շովինիզմի օրինակ է…
«Հրապարակ». Ընդլայնված լիազորություններով 4 պաշտոնյա կներդրվի ԵՄ-ից
Նման հնարավորություն տալիս էր ԵՄ-Հայաստան համաձայնագիրը, սակայն խնդիրն այն է, որ…