News
Լրահոս
News
Երկուշաբթի
Դեկտեմբեր 17
Տեսնել լրահոսը

Եվրասիական տնտեսական միության երկրների համար «Հրդեհային անվտանգության ապահովման եւ հրդեհաշիջման միջոցներին ներկայացվող պահանջների մասին» միասնական կանոնակարգը կսկսեն ներդնել 2019 թվականի հունիսից, հայտնել է ՌԴ ԱԻՆ Հակահրդեհային պաշտպանության համառուսական գիտահետազոտական ինստիտուտի պետ Դենիս Գորդիենկոն, փոխանցում է «ՌԻԱ Նովոստի»-ն: 

Նրա խոսքով՝ տեխնիկական կանոնակարգի գործողության մեջ մտնելու նախապատրաստման միջոցառումների իրականացման շրջանակում ԵՏՄ անդամ երկրների մասնագետները զբաղված են ստանդարտների ցուցակի ձեւավորման աշխատանքով, որոնք կապահովեն տեխնիկական կանոնակարգի պահանջների պահպանումը:

«Ցուցակներում մի շարք ստանդարտների ներառման հաստատումը սպասվում է մինչեւ տեխնիկական կանոնակարգի ուժի մեջ մտնելը: Ստանդարտների ցուցակների ընդունումը Եվրասիական տնտեսական հանձնաժողովը պետք է ապահովի մինչեւ 2019 թվականի հունիսի 1-ը»,- պարզաբանել է Գորդիենկոն:

Նա հավելել է, որ միասնական կանոնակարգը թույլ կտա միասնականացնել, մասնավորապես, հրշեջներին, հրդեհապաշտպան միջոցներին, հրշեջ տեխնիկային, հակածխային պաշտպանության տեխնիկական միջոցներին, ԵՏՄ երկրների տարածքում հրշեջների հանդերձավորմանը ներկայացվող պահանջները:

2017 թվականի հունիսին հաղորդվել էր, որ Ռուսաստանի ԱԻՆ-ը սկսել է գրեթե 100 միջպետական ստանդարտների մշակումը, որոնք ապահովելու են ԵՏՄ նոր տեխնիկական կանոնակարգի կատարումը: Այն գործողության մեջ կդրվի 2020 թվականի հունվարի 1-ին: Ինչպես պարզաբանել է Գորդիենկոն, 2019-ի կեսից էլ կսկսվի անցումային փուլը:

Նշենք, որ երեքշաբթի Սանկտ Պետերբուրգում իր աշխատանքն է սկսել 5 երկրների՝ Հայաստանի, Բելառուսի, Ղազախստանի, Ղրղզստանի եւ Ռուսաստանի փրկարար գերատեսչությունների Միացյալ գիտատեխնիկական խորհրդի IV նիստը: Այն անցկացվում է ՌԴ ԱԻՆ ՀՊԾ Սանկտ Պետերբուրգի համալսարանի բազայի վրա:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Հանրապետություն» կուսակցությունը կշարունակի դեմ լինել ԵՏՄ-ում Հայաստանի անդամակցությանը
Հարցին՝ արդյոք նրանք արտախորհրդարանական ընդդիմություն կդառնան կամ կաջակցեն գործող իշխանությունների քաղաքականությունը, Խաչատրյանն ասաց, որ նրանք...
Տիգրան Սարգսյանը Ռուսաստանում հանդիպել է Ամերիկյան առեւտրի պալատի անդամների հետ
Տիգրան Սարգսյանը նշել է համաշխարհային տնտեսության թրենդները․․․
ԵՏՄ-ի ներսում ռոումինգը կարող է հանվել
ԵՏՄ երկրների միջեւ ռոումինգը հանելու հարցը քննարկվում է արդեն ավելի քան 5 տարի․․․
Սերգեյ Լավրովն ու Տիգրան Սարգսյանը քննարկել են ԵՏՄ գործունեությունը
ՌԴ ԱԳՆ մամուլի ծառայությունը հաղորդում է, որ ԵՏՄ միջազգային օրակարգի վերաբերյալ կարծիքների հանգամանալից փոխանակում է տեղի ունեցել...
Մաքսային միության պետությունների մաքսային ծառայությունների կոլեգիայի նիստ Դիլիջանում․ 30 որոշում է ստորագրվել
ԵԱՏՄ երկրները հավանություն են տվել Հայաստանի նախաձեռնությանը․․․
Առաջարկում են ԵՏՄ-ում ստեղծել սեփական վճարային համակարգ
Խորհուրդը ընդհանուր ֆինանսական շուկայի քննարկմանը կվերադառնա, երբ պետությունների ԿԲ-ներն ավարտեն այս հայեցակարգի վրա տարվող աշխատանքը…
Ամենաշատ
Partner news