ԱՄՆ Պետդեպարտամենտը հավանության է արժանացրել Թայվանին F-16-ի եւ այլ ինքնաթիռների համար 330 մլն դոլարի պահեստամասեր վաճառելու ծրագիրը՝ ստիպելով Չինաստանին խոսել այն մասին, որ այդ որոշումը կարող է վտանգի տակ դնել Պեկինի եւ Վաշինգթոնի համագործակցությունը՝ տեղեկացնում է Reuters-ը։
«Առաջարկված վաճառքն իր ներդրումն է բերում ԱՄՆ-ի արտաքին քաղաքականության եւ ազգային անվտանգության մեջ, քանի որ կօգնի բարելավել անվտանգության եւ պաշտպանության ոլորտում ստացողի պոտենցիալը, որը եղել եւ շարունակում է լինել կարեւոր ուժ տարածաշրջանում քաղաքական կայունության համար»,- ասվում է Պենտագոնի հայտարարության մեջ։
