ԱՄՆ նախագահ Դոնալդ Թրամփը աշխարհի երկրներին կոչ է արել Իրանին մեկուսացնելու հարցում միանալ ԱՄՆ-ին։ Այս մասին նա ասել է ՄԱԿ ԳԱ-ում իր ելույթի ժամանակ։
Ըստ նրա՝ ԱՄՆ-ը սկսել է «տնտեսական ճնշման» գործողությունները, որպեսզի Իրանին զրկի փողերից, որոնք նրան անհրաժեշտ են «Սիրիայում եւ Եմենում իր արյունոտ օրակարգն իրականացնելու համար»։
Թրամփը նշել է, որ Իրանը չի հարգում իր հարեւաններին եւ նրանց սահմանները, անընդհատ կրկնում է «մա՛հ Ամերիկային» ու սպառնում է Իսրայելին։
