ԱՄՆ նախագահ Դոնալդ Թրամփը գովել է Հյուսիսային Կորեայի նախագահ Կիմ Չեն Ընին՝ որոշ միջոցների ձեռնարկման հարցում քաջություն ցուցաբերելու համար, բայց հավելել է, որ դեռ շատ գործ կա անելու։ Ելույթ ունենալով ՄԱԿ ԳԱ նիստին՝ Թրամփն ասել է, որ ԿԺԴՀ-ի դեմ պատժամիջոցները դեռեւս կմնան ուժի մեջ՝ մինչեւ զինաթափումը։
«Հրթիռներն այլեւս բոլոր ուղղություններով չեն թռչում, միջուկային փորձարկումները դադարեցվել են, ռազմական որոշ օբյեկտներ արդեն ապամոնտաժվել են»,- ասել է Թրամփը։