News
Լրահոս
News
Շաբաթ
Փետրվար 16
Տեսնել լրահոսը

Վարչապետ Նիկոլ Փաշինյանը Նյու Յորքում հանդիպում է ունեցել Իրանի նախագահ Հասան Ռոհանիի հետ: Զրուցակիցները քննարկել են հայ-իրանական հարաբերությունների օրակարգային տարբեր հարցեր: Զրուցակիցները կարեւորել են տնտեսական համագործակցության զարգացումը եւ նշել, որ այն զգալիորեն զիջում է երկկողմ քաղաքական հարաբերությունների մակարդակին: Նրանք անհրաժեշտ են համարել գործուն քայլերի ձեռնարկումը` առեւտրատնտեսական կապերի խթանման, առկա ներուժի իրացման նպատակով:

Նիկոլ Փաշինյանն ընդգծել է, որ հայ-իրանական հարաբերություններն ունեն առանձնահատուկ բնույթ եւ պետք է դրանք շարունակեն զարգանալ բարեկամական ամուր կապերի հիմքի վրա:

Իր հերթին, Հասան Ռոհանին նշել է, որ երկու երկրների միջեւ առկա է վստահության բարձր մակարդակ: Իրանի նախագահի խոսքով` հայ համայնքն իր երկրում ունի կարեւոր դերակատարություն եւ մեծ հարգանք է վայելում իրանցիների շրջանում: Խոսելով տնտեսական փոխգործակցության մասին` Հասան Ռոհանին համոզմունք է հայտնել, որ Եվրասիական տնտեսական միության հետ ստորագրված ազատ առեւտրի գոտու ձեւավորմանը միտված համաձայնագիրը եւս հնարավորություն կտա ավելի խորացնել հայ-իրանական տնտեսական գործակցությունը:

Նիկոլ Փաշինյանը եւ Հասան Ռոհանին անդրադարձել են տարբեր, այդ թվում` Էներգետիկայի, ճանապարհաշինության ոլորտներում համագործակցությանը, լոգիստիկ պայմանների բարելավմանը վերաբերող հարցերի:

Հասան Ռոհանին վարչապետ Փաշինյանին հրավիրել է Իրան եւ համոզմունք հայտնել, որ, այցը հնարավորություն կընձեռի առավել ընդգրկուն քննարկելու երկկողմ համագործակցությունն ընդլայնելու ուղիները:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
Ամենայն Հայոց Կաթողիկոսը ցավակցագիր է հղել Իրանի նախագահին
Շուտափույթ ապաքինում ցանկանալով ահաբեկչությունից տուժած վիրավորներին…
Մենք երրորդ կողմին վնասող գործընթացի մասնակից չենք դառնա. Փաշինյանը՝ Իրանի հետ հարաբերությունների մասին
Նա նաեւ հաստատեց, որ փետրվարի 27-ին պաշտոնական այցով կմեկնի Իրան...
Անկախությունը վերստին կերտած Հայաստանի համար Իրանը հանդիսացել է մեր անփոխարինելի ուղեկիցը. ԱԳ նախարար
ՀՀ ԱԳ նախարարի խոսքը Իրանի Իսլամական հեղափոխության 40-ամյակի կապակցությամբ ընդունելությանը…
Նիկոլ Փաշինյանը շնորհավորել է Հասան Ռոհանիին՝ Իսլամական հեղափոխության հաղթանակի 40-ամյակի առիթով
Ջերմորեն շնորհավորում եմ Ձեզ և Իրանի բարեկամ ժողովրդին․․․
Արմեն Սարգսյանը շնորհավորել է Հասան Ռոհանիին՝ Իսլամական հեղափոխության հաղթանակի 40-րդ տարեդարձի առթիվ
Նախագահ Արմեն Սարգսյանը Հասան Ռոհանիին մաղթել է քաջառողջություն եւ ամենայն բարիք…
ԱԳՆ. Հայաստանի վարչապետը Իրան այցի ընթացքում կքննարկի երկկողմ հարաբերությունների բոլոր հարցերը
Նիկոլ Փաշինյանի այցն Իրան նախատեսված է փետրվարի վերջին...
Ամենաշատ