Ուֆայի գերեզմանատներից մեկում արտառոց տապանաքար է հայտնվել՝ iPhone 6 հեռախոսի տեսքով: «Այնտեղ թաղված է ավտոաղետում զոհված երիտասարդ աղջիկ»,- «ՌԻԱ Նովոստի»-ին ասել է  քաղաքի հատուկ սպասարկման կոմբինատի ներկայացուցիչը:

Նրա խոսքով՝ ընկերությունն իրավունք չունի միջամտելու հուշարձանների ընտրությանը: Այս տապանաքարը որոշել են դնել զոհվածի ծնողները: Ընդ որում՝ ներկայացուցիչը նշել է, որ սա ամենազարմանալի գերեզմանը չէ: Օրինակ՝ գերեզմանատանը կա նաեւ ավտոմեքենայի տեսքով տապանաքար: