News
Լրահոս
News
Երկուշաբթի
Հոկտեմբեր 15
Տեսնել լրահոսը


Ազգային ժողովը չարտահայտելով ժողովրդի կամքը, ամեն դեպքում արտահայտում է ժողովրդի կամքը: Այս մասին, այսօր՝ սեպտեմբերի 26-ին, ԱԺ-ում լրագրողների հետ զրույցում նշեց ՀՀԿ խմբակցության պատգամավոր, ՀՀ նախկին ոստիկանապետ Ալիկ Սարգսյանը:

Դիտարկմանը, թե վարչապետ Նիկոլ Փաշինյանն ասել է, որ ԱԺ-ն չի արտահայտում ժողովրդի կամքը, ուժերի իրական հարաբերակցությունը, Ալիկ Սարգսյանն արձագանքեց. «Նիկոլ Փաշինյանի ասելն այդքան կարեւոր չի, որովհետեւ Երեւանի քաղաքի ընտրություններով մենք դա տեսանք: Տեսանք, որ ժողովուրդը գնաց այն ուժի հետեւից, որին հավատում է: Նախկին իշխանությունների նկատմամբ ատելությունը տարածվեց նույնիսկ ՀՅԴ-ի ու ԲՀԿ-ի վրա: Միթե դա տեսանելի չէ բոլորին: Այսինքն բոլոր այն կուսակցությունները, որոնք ժամանակին եղել են ՀՀԿ-ի կողքին, ընդհանուր թիմ են կազմել, բոլորն արժանացան այդ վերաբերմունքին: Սրանից պետք է հետեւություն անել: Առնվազն մարդը պետք է կույր լինի, որ դա չտեսնի»:

Ճշտող հարցին, թե ասյինքն համաձա՞յն եք, որ այսօրվա ԱԺ-ն չի արտահայտում ժողովրդի կամքը, Ալիկ Սարգսյանը պատասխանեց. «Չարտահայտելով ժողովրդի կամքը, ամեն դեպքում արտահայտում է ժողովրդի կամքը: Ուզում ենք որ ճիշտ լինի, նորմալ քննարկում լինի, որ եթե թերություններ կան, որոնք հաճախ լինում են եւ որեւէ մեկը դրանից պաշտպանված չի, ինչու չէ, թող այս ամբիոնից հնչի: Դա ի՞նչ վնաս կբերի պետությանը: Ես չեմ անի որեւէ քայլ, որը կվնասի իշխանությունների ուղուն, վնասի մեր երկրի զարգացմանը: Եթե նույնիսկ ՀՀԿ-ն նման բան անի, որին չեմ հավատում, ես չկամ այդ ցուցակի մեջ»:

Ինչ վերաբերում է ԱԺ լուծարմանը եւ արտահերթ խորհրդարանական ընտրություններին, Ալիկ Սարգսյանն ասաց. «Ամեն դեպքում, ես ՀՀԿ խմբակցության անդամ եմ, ուզում եմ ռեալ գնահատեք, ի՞նչ եք կարծում, հիմա պետք է առաջինը գոռայի, ասեի՝ շուտ Ազգային ժողովի արտահերթ ընտրություններ արե՞ք: Ուզում եք իմանալ՝ դա ինձ համար տաք է, թե սա՞ռը այս պահին: Ինձ համար ընդհանրապես միեւնույն է: Ես հաճույքով կապրեմ սովորական իմ մարդկային կյանքով, ինձ այս ԱԺ շենքն առանձնապես որեւէ բան չի տալիս, բացի չարչարանքից: Ես հիմա հանգիստ կարող էի մի տեղ իմ ժամանակն անցկացնել: Բայց մի շտապեք, դրա մեջ էլ վտանգներ կան: Ես չեմ ուզում, որ դա տարերային բնույթ կրի եւ ազդի, որ ինչ-որ մեթոդներով երկիրը տանի ցնցումների: Որպես հայ մարդ իրավունք ունե՞մ դա զգամ եւ չուզեմ, որ դա լինի:

Ես շատ կուզենամ, որ բանակցությունների շնորհիվ այս հարցը լուծվի, եւ երկիրը իր բնականոն ուղիով ընթանա: Իսկ թե հետո ինչ Ազգային ժողով կունենանք, դա իմ քննարկելու թեման չի, Աստված ձեզ հետ, հետո այդ մասին կխոսենք առանձին, այդ անգամ արդեն որեւէ այգում»:

Տպել
Կարդացեք նաև
Ամբողջը
Կանխատեսում ունեմ, որ 3-րդ եւ 4-րդ քաղաքական ուժերը կարող են անգամ չմոտենալ 1 տոկոսի սահմանագծին. Նաիրա Զոհրաբյան
Որքանո՞վ է ժողովրդավար, որ մենք արհեստականորեն քվոտա դնենք եւ խորհրդարան անցնեն ուժեր, որոնք հանրային վստահությունը զրո ամբողջ զրո քանի տոկոս է...
Չեմ կարծում, որ իշխանական մի մենաշնորհի անցումը մյուս մենաշնորհին կարող է երկրի համար օգտակար լինել. Ռոբերտ Քոչարյան
Ես Հայաստանի պետականության համար բավականին խնդրահարույց իրավիճակ եմ տեսնում...
Նիկոլ Փաշինյանի մոտ ստեղծվել է անձնական ատելություն իմ անձի հանդեպ. Ռոբերտ Քոչարյան
Գիտե՞ք, այսպիսի քաղաքական գերակշռության պայմաններում, որը կարող է ձեւավորվել, չեմ կարող գործնականում կանխատեսել երկրի դատական համակարգի վրա իշխանության ճնշման աստիճանը...
Այսուհետեւ Հայաստանի վարչապետը կլինի բացառապես ժողովրդի ընտրյալը. Փաշինյան
Այսուհետեւ ոչ միայն վարչապետը, այլեւ խորհրդարանը, կառավարությունը, պետական բոլոր մարմինները պետք է կազմված լինեն ժողովրդի ներկայացուցիչներից…
Կուզեի ինքներդ էլ մասնակցեիք Խանդոյանի հոգեհանգստին որպես խղճի դատավոր. Պավլիկ Մանուկյանը՝ դատավորին
Ըստ պաշտպանների՝ սա բացառիկ դեպք է եւ դատարանը պետք է թույլատրի ամբաստանյալներին՝ մասնակցելու իրենց ընկերոջ հոգեհանգստի արարողությանը…
Քաղաքականության մեջ ոչինչ բացառված չէ. Վահրամ Բաղդասարյանը՝ ՀՀԿ-ի խորհրդարան չանցնելու մասին
Որեւէ մեկին ընդմիշտ տրված չէ այդ մենաշնորհը, որ պետք է լինի խորհրդարանում կամ լինի իշխանություն...
Ամենաշատ
Partner news