Սիրիայում Իլ-20 հետախույզ ինքնաթիռի կործանման շուրջ ստեղծված իրավիճակի կապակցությամբ Իսրայելն ու Ռուսաստանը շարունակում են շփումները: Այդ մասին տեղական Իններորդ հեռուստաալիքին տված հարցազրույցում հայտարարել է հրեական պետության պաշտպանության նախարար Ավիգդոր Լիբերմանը:
Նա կրկին հերքել է Իսրայելի զինված ուժերի ներգրավվածության մեղադրանքները ողբերգությանը, որը 15 ռուս զինվորականի կյանք է խլել, մեղադրել է Սիրիայի զինված ուժերին եւ ընդգծել, որ Իսրայելը հակամարտությունների իրավիճակների կանխման ուղղությամբ կատարում է Ռուսաստանի հետ բոլոր պայմանավորվածությունները, հաղորդում է «ՌԻԱ Նովոստին»:
«Վերջին տարիներին Սիրիայում մենք 200 անգամ հարձակվել ենք իրանական օբյեկտների կամ Հըզբոլլահի (լիբանանյան շարժման) օբյեկտների վրա: Ոչ մի ռուս զինվոր անգամ քերծվածք չի ստացել, քանի որ մենք շատ խստորեն դիմանում ենք բոլոր պայմանավորվածություններին, բոլոր շփումներին, ամբողջ համակարգմանը, ռուսական կողմի հետ փոխգործակցության բոլոր կետերին: Տարօրինակ է, որ 201-րդ անգամ մենք խախտեինք այդ: Ամբողջ պատասխանատվությունը կրում է բանակը (Սիրիայի նախագահ Բաշար Ասադի) », - ասել է նախարարը:
«Ռուսական կողմի հետ մեր շփումները շարունակվում են փակ ուղիներով», - ավելացրեց նա:
Հարցին, արդյոք Իսրայելը կշարունակի նոր իրավիճակում Սիրիայում գործել, ինչպես դա արել է մինչ օրս, Լիբերմանը պատասխանել է. «Մենք միշտ պաշտպանելու ենք մեր շահերը: Մենք չենք կարող մեր անվտանգության խնդիրների հարցում փոխզիջումների գնալ մեր աշխարհագրության, տեղագրության, երկրի չափերի տեսանկյունից»:
Նախօրեին Իսրայելի ռազմաքաղաքական կաբինետը հանձնարարել էր երկրի զինված ուժերին շարունակել պայքարել Սիրիայում իրանական ռազմական ներկայության դեմ` Ռուսաստանի հետ պահպանելով անվտանգության հարցերի վերաբերյալ համագործակցությունը:
Միջերկրական ծովի ափից 35 կիլոմետր հեռավորության վրա գտնվող ռուսական Իլ-20-ը սեպտեմբերի 17-ին Խմեյմիմ օդակայան վերադառնալիս ոչնչացվել էր: Այդ ժամանակ չորս իսրայելական F-16 կործանիչները հարձակվել էին Լաթաքիայում սիրիական օբյեկտների վրա: Ընդ որում, ըստ ՌԴ Պաշտպանության նախարարության, Իսրայելը ռուսական կողմին օդային հարվածի մասին տեղեկացրել է միայն դրանից մեկ րոպե առաջ՝ չհայտնելով F-16 կործանիչների գտնվելու վայրի մասին:
ՌԴ Պաշտպանության նախարարությունը նշել է, որ ռուսական ինքնաթիռով պաշտպանվելով, իսրայելական օդաչուները այն Սիրիայի հակաօդային պաշտպանության հարվածի տակ են դրել, Իլ-20-ը ոչնչացվել էր 22.03-ին C-200 համալիրի հրթիռի կողմից: Զոհվել է 15 ռուս զինծառայող:
