Ազգային ժողովի «Ծառուկյան» խմբակցության պատգամավոր Գեւորգ Պետրոսյանն այսօր՝ սեպտեմբերի 26–ին, հրաժարվեց հարցազրույց տալ լրատվամիջոցների ներկայացուցիչներին։
«Ոչ մի հարցազրույց չեմ տալու, որովհետեւ դուք՝ լրատվամիջոցներդ, բարի չեք գտնվում ձեր էջերից մաքրել այն խուլիգանական արտահայտությունները, որոնք հնչում են հարցազրույց տվողների հասցեներին։ Հարցազրույցներն ուղեկցվում են «Ֆեյսբուքում» վխտող կենդանիների նկարների հետեւում թաքնված խուլիգանների գնահատականներով»,– ասաց Գեւորգ Պետրոսյանը՝ նշելով, որ լրատվամիջոցները պետք է մաքրեն այդ վիրավորական արտահայտությունները։
