Սեպտեմբերի 25-ին, ժամը 20.45-ին, ոստիկանության Երեւան քաղաքի վարչության ՊՊԾ գնդի ծառայողները Գարեգին Նժդեհի հրապարակից, կողոպուտ կատարելու կասկածանքով, ոստիկանության Շենգավիթի բաժին բերման են ենթարկել 1980 թ. ծնված Գեւորգ Կ.-ին եւ բաժին հրավիրել 1969 թ. ծնված Սոկրատ Հ.-ին:
Ոստիկանությունից NEWS.am-ին հայտնում են, որ նա ժամը 21.50-ին հաղորդում է տվել, որ նույն օրը, ժամը 20.40-ին, Գեւորգ Կ.-ն, օգտվելով ապակին բաց լինելու հանգամանքից, Բագրատունյաց փողոցի թիվ 15 շենքի մոտ կայանված «Մերսեդես» մակնիշի ավտոմեքենայի սրահից բացահայտ հափշտակել է իր պայուսակը եւ դիմել փախուստի, սակայն բռնվել է ծառայություն իրականացնող ոստիկանության ծառայողների կողմից:
Հափշտակվածն առգրավված է:
Նախապատրաստվում են նյութեր:
