Պաշտոնատար անձինք ստեղծում են ԱՄՆ նախագահ Դոնալդ Թրամփի եւ Հյուսիսային Կորեայի առաջնորդ Կիմ Չեն Ընի հաջորդ հանդիպման հիմքը: Այս մասին հայտարարել է ԱՄՆ պետքարտուղար Մայք Պոմպեոն՝ հավելելով, որ հանդիպումն, ամենայն հավանականությամբ, տեղի կունենա հոկտեմբերին:
«Մենք բոլոր ջանքերը ներդնում ենք՝ համոզվելու համար, որ պայմանները ճիշտ կձեւակերպենք, որպեսզի կարողանանք գագաթնաժողովի ժամանակ հնարավորինս շատ բանի հասնել: Սակայն մենք հույս ունենք, որ հանդիպումը տեղի կունենա առաջիկայում: Հնարավոր է հոկտեմբերին կամ մի փոքր ավելի ուշ»,- ասել է Պոմպեոն CBS This Morning-ի հետ հարցազրույցում:
Ի պատասխան հարցին՝ Կիմը կհամաձայնվի՞ միջազգային տեսուչներին թույլ տալ մտնել միջուկային պոլիգոններ, Պոմպեոն նշել է. «Այո՛: Մենք այդ ստուգման մասին խոսել ենք ամենասկզբից: Մենք չենք պատրաստվում պարկի մեջ խոզ գնել: Մենք պատրաստվում ենք դա ճիշտ անել»,- հավաստիացրել է Պոմպեոն՝ նշելով, որ մոտ ժամանակներում Փհենյան կայցելի: