Աշխարհը Հյուսիսային Կորեայի հետ հարաբերություններում գտնվում է «նոր օրվա լուսաբացին», սակայն միջազգային պատժամիջոցները պետք է ուժի մեջ մնան եւ ուժգին կիրառվեն: Այս մասին հայտարարել է ԱՄՆ պետքարտուղար Մայք Պոմպեոն` ելույթ ունենալով ՄԱԿ-ի Անվտանգության խորհրդի հատուկ նիստում, հաղորդում է AP-ն:
Նրա խոսքով, նախագահ Դոնալդ Թրամփի դիվանագիտական առաջընթացը հանգեցրեց նրան, որ Հյուսիսային Կորեայի միջուկային սպառնալիքը կարող է լուծվել, սակայն «աննախադեպ դիվանագիտական նվաճումը» կարող է ձախողվել, եթե ճնշումը չպահպանվի:
«Քանի դեռ ԿԺԴՀ-ի վերջնական ապամիջուկայնացումը տեղի չունենա եւ լիովին չստուգվի, հավաքական պատասխանատվություն է լիովին իրականացնել Հյուսիսային Կորեայի վերաբերյալ ՄԱԿ-ի Անվտանգության խորհրդի բոլոր բանաձեւերը», - ասել է նա:
Պոմպեոն նշել է, որ ԱՄՆ-ն ապացույցներ ունի, որ պատժամիջոցները, հատկապես նրանք, որոնք սահմանափակում են Հյուսիսային Կորեայի ածխի ներկումը եւ արտահանումը, խախտվում են, եւ նա ՄԱԿ-ի անդամներից պահանջել է ապահովել դրանց կատարումը:
«ՄԱԿ-ի Անվտանգության խորհրդի պատժամիջոցների իրականացումը պետք է ակտիվորեն եւ անհապաղ կատարվի եւ մինչեւ որ մենք չստանանք վերջնական, լիովին հաստատված ապամիջուկայնացումը», - ասել է Պոմպեոն: