Կոլումբիայի կառավարությունը մտադիր է սահմանափակել թմրաբարոն Պաբլո Էսկոբարին պատկանող չորս գետաձիերի ժառանգների թիվը: Դրանց արդեն սկսել են ամորձատել, սակայն գիտնականները նրանց բազմացման օգտին փաստարկներ են ներկայացրել, գրում է The Daily Mail-ը:
Երբ 1980-ին հանցավոր աշխարհի թագավոր Պաբլո Էսկոբարը Քալիֆորնիայի կենդանաբանական այգուց չորս հիպոպոտամ ձեռք բերեց, ոչ ոք չէր կասակոծւմ, որ նրանց ձագերը աֆրիկյան մայրցամաքի սահմաններից հեռու խոշորագույն հոտ կդառնան: Այժմ դրանց թիվը հասնում է մինչեւ 60-ի:
Չնայած, որ կենդանիները խոտակեր են, գետաձիերը մեծ վտանգ են ներկայացնում նրանց համար, ովքեր նրանց անհանգստացնում են: Հետեւաբար Դորադալ գյուղում, որտեղ գտնվում էր թմրաբարոնի կալվածքը, նշաններ են տեղադրված, որոնք զգուշացնում են նրանց առկայության մասին: Բացի այդ, նրանք սպառնում են տեղական տեսակների պոլուլյացիաներին: Գետաձին կարող է ապրել մինչեւ 60 տարի:
Այդ պատճառով կառավարությունն արդեն մի քանի տարի մտածում է, թե ինչպես սահմանափակի նրանց թիվը: Առավել ճիշտ տարբերակը արուների ամորձատումն է, սակայն այդ գործընթացը բարդ ու վտանգավոր է, քան կարող է առաջին հայացքից թվալ: Հիպոպոտամի սեռը որոշելու համար սկզբում պետք է նրան բռնել մինչեւ որ նա կհասցի սուզվել ջրի մեջ եւ քնեցնել: Մինչեւ հիմա հաջողվել է բռնել եւ ամլացնել 4 արուի եւ կենդանաբանական այգի տեղափոխել մեկ ձագի: