Գերմանիայի կանցլեր Անգելա Մերկելը մտադիր է Բեռլինում Թուրքիայի նախագահ Ռեջեփ Էրդողանի հետ հանդիպման ժամանակ բարձրացնել մարդու իրավունքների վիճակի հետ կապված հարցը, փոխանցում է DW-ն:
Նա նշել է, որ Թուրքիայում մարդու իրավունքների ոլորտի վիճակն «այնպիսին չէ, ինչպիսին ինքը կցանկանար տեսնել»: Նրա խոսքով՝ «քննադատության արժանի» որոշակի բաներ կան: Ընդ որում՝ նշել է, որ Թուրքիան միակ երկիրն է, որտեղ մարդու իրավունքները պատշաճ կերպով չեն պահպանվում:
Եվրոպայի գործերով նախարար Մայքլ Ռոտը Էրդողանին կոչ է արել դադարեցնել Թուրքիային ավտորիտարիզմի տանող ներկայիս քաղաքական միտումը: «Մեր ակնկալիքները հստակ են՝ Գերմանիայի քաղաքացիների ազատում, որոնք կալանավորվել են քաղաքական դրդապատճառներով, ինչպես նաեւ ժողովրդավարության ու օրենքի գերակայության առաջմղում»,- ասել է նա:
Թե՛ Մերկելը, թե՛ Ռոտը հերքել են Գերմանիայի կողմից թուրքական տնտեսությանը ֆինանսական օգնության տրամադրման գաղափարը, իսկ Ռոտը հայտարարել է, որ գերմանական շատ ընկերություններ Թուրքիայում կսկսեն դարձյալ ներդրումեր անել, եթե երկիրը վերադառնա ժողովրդավարական եւ սահմանադրական սկզբունքներին:
