2002 թվականի հետո Սեւանալ լճի շուրջ 4 մետր բարձրացման արդյունքում զգալի թվով թռչուններ վերադարձել են Սեւանա լիճ, մասնավորապես Մեծ ձկնկուլ, քաջահավ եւ այլն: Այս մասին, այսօր՝ սեպտեմբերի 28-ին, Ազգային ժողովում «Սեւանա լճի հիմնախնդիրները» թեմայով խորհրարանական լումների ժամանակ նշեց ՀՀ բնապահպանության նախարար Էրիկ Գրիգորյանը:
Նախարարն անդրադարձավ կողակի վերարտադրման ծրագրին. «Կողակը ոչ միայն Սեւանա լճի էնդեմնիկ ձկնատեսակ էր, նաեւ միակ ձկնատեսակն է, որ օրգանական նյութերն է ուտում եւ դրանով սանիտարի դեր էր խաղում Սեւանա լճի համար: Բնապահպանության նախարարությունը նախատեսում է կազմակերպել կողակի արհեստական վերարտադրման աշխատանքներ»,-ասաց նա:
Էրիկ Գրիգորյանը նշեց, որ 2019-ից կգործարկվի Արփա-Սեւանը, ինչը ենթադրում է, որ 270 մլն խմ լրացուցիչ ջուր հնարավոր կլինի հասցնել Սեւանա լիճ. «Բայց ջուրը տեղափոխելը եւ դրա հաշվին լրացուցիչ ջրառ իրականացնելը մեր պլանների մեջ չի մտնում: Կարծում ենք, որ մինչեւ 1903,5 մետր մակարդակը հասնելը պետք է շարունակական գնանք լճի մակարդակի բարձրացմանը: Սակայն կտրված չլինենք այլ խնդիրներից, մասնավորապես, ափամերձ հատվածների մաքրման աշխատանքներից»:
Նա տեղեկացրեց, որ իրենց ուսումնասիրությունների արդյունքում պարզել են, որ հէկ-երը լրացուցիչ ջրառ են իրականացնում ջրամբարներից, որի հետեւանքով էլ անհրաժեշտություն էր առաջացել այս տարի լրացուցիչ 40 մլն խմ ջրառ իրականացնել; Նախարարի խոսքով, այդ տյալները փոխանցել են բնապահպանական եւ ընդերքի տեսչական մարմնին՝ լրացուցիչ ստուգումներ իրականացնելու համար:
«Հայաստանում ձեւավորվում է 7-8 մլրդ խմ մակերեւութային ջրային ռեսուրս, իսկ մեր ջրապահանջարկը մոտ 2 մլրդ խմ է: Սա նշանակում է, որ մենք ունենք 4 անգամ ավելի շատ ջուր, քան մեր այս պահի պահանջարկն է»,-ասաց նա՝ հավելելով, որ 2030 թվականին մակերեւութային ջրային ռեսուրսները 11 տոկոսով կնվազեն, միաժամանակ ջրապահանջարկը ավելանալու է: