ԱՊՀ անդամ երկրների առաջնորդները շեշտել են մարդու իրավունքների ու հիմնական ազատությունների իրականացման ապահովման ուղղությամբ ազգային ջանքերի ավելացման կարեւորությունը։ Այս մասին ասված է 1948 թվականի դեկտեմբերի 10-ին ընդունված Մարդու իրավունքների համընդհանուր հռչակագրի ընդունման 70–ամյակի կապակցությամբ հրապարակված հայտարարությունում, որն ընդունվել է Դուշանբեում ԱՊՀ խորհրդի՝ ընդլայնված կազմով նիստի արդյունքում։
Հայտարարությունում կարեւորվում հռչակագիրը որպես փաստաթուղթ, որը դրել է մարդու իրավունքների ու հիմնական ազատությունների պաշտպանության եւ խթանման ոլորտում ունիվերսալ չափորոշիչների հիմքը եւ հաստատվում է որեւէ տարբերակման հիմքով խտրականության մերժման սկզբունքին հանձնառությամբ։
Շեշտվում է հռչակագրում ամրագրված մարդու իրավունքների ու հիմնական ազատությունների իրականացման ապահովման ուղղությամբ ազգային ջանքերի ավելացման կարեւորությունը, ինչպես նաեւ փոխշահավետ եւ փոխադարձ հարգանքի վրա հիմնված միջազգային համագործակցության ակտիվացումը իրավապաշտպանության ուղղությամբ՝ հաշվի առնելով ազգային եւ տարածաշրջանային յուրահատկությունները, պետությունների տարատեսակ պատմական, մշակութային եւ կրոնական առանձնահատկությունները։
Առաջնորդներն ընդգծել են կառուցողական, իրավահավասար եւ հարգալից երկխոսության անհրաժեշտությունը, մարդու իրավունքների ոլորտում երկակի ստանդարտներից հրաժարվելու անհրաժեշտությունը։