Սեպտեմբերի 29-ին Հայ Առաքելական Եկեղեցին նշելու է Ս. Գեւորգ զորավարի տոնը: Այդ առիթով Ս. Պատարագ կմատուցվի սրբի անունը կրող եկեղեցիներում: Արարատյան Հայրապետական թեմում գործում է Ս. Գեւորգի անունը կրող չորս եկեղեցի՝ Նորագավիթում, Մասիսում, Մարմարաշենում եւ Կանաչուտում: Ս. Պատարագը կսկսվի ժամը 10:30-ին:

Տոնի առթիվ սրբի մասունքակիր աջը կբերվի Մարմարաշենի Ս. Գեւորգ եկեղեցի:

ԱՀԹ Նորագավիթի Ս. Գեւորգ եկեղեցի

Ժամը 10:30-ին Նորագավիթի Ս. Գեւորգ եկեղեցի կբերվի «Ոսկեկող Ավետարանը», որը եկեղեցում կմնա մինչեւ ժամը 17:00:

Ժամը 12:30-ին՝ հավարտ Ս. Պատարագի, կօրհնվի Նորագավիթի խորհրդանիշ հանդիսացող դեղձի բերքը: Այս տարի հյուրերին կմատուցվի նաեւ դեղձով փլավ:

Ժամը 13:00-ին Նորագավիթի մշակույթի տան սաների մասնակցությամբ եկեղեցու բակում մեծ տոնախմբությամբ կնշվի սրբի տոնը:

ԱՀԹ Մարմարաշենի Ս.Գեւորգ եկեղեցի

Ժամը 10:00-ին եկեղեցի կբերվի Ս. Գեւորգի մասունքը,

Ժամը 10:30-ին կմատուցվի Սբ. Պատարագ,

Ժամը 12:30-ին կկատարվի մատաղի օրհնության կարգ,

Ժամը 13:00-ին կսկսվի համերգային ծրագիր,

Ժամը 17:30-ին մասնակիցները մոմավառությամբ եկեղեցուց կշարժվեն դեպի Մարմարաշենի Ս. Գեւորգ մատուռ, որտեղ կկատարվի Խաղաղական ժամերգություն: