News
Լրահոս
News
Ուրբաթ
Մարտ 29
Տեսնել լրահոսը


Տաջիկստանի մայրաքաղաք Դուշանբեում ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը ոչ ֆորմալ շփում են ունեցել, որի ընթացքում ձեռք են բերել պայմանավորվածություններ Լեռնային Ղարաբաղի հակամարտության կարգավորման վերաբերյալ։ Այս մասին այսօր՝ սեպտեմբերի 28–ին, Տաջիկստանի մայրաքաղաք Դուշանբեից վերադառնալուց հետո ասել է ՀՀ վարչապետ Նիկոլ Փաշինյանը՝ ֆեսյբուքյան ուղիղ եթերում։

Վարչապետի խոսքով՝ իրենց առաջին, ոչ ֆորմալ շփման ընթացքում առարկայական խոսակցություն է եղել, որի արդյունքում երկու երկրների ղեկավարները պայմանավորվել են իրենց պաշտպանության նախարարներին հանձնարարական տալ՝ կոնկրետ քայլեր ձեռնարկել սահմանագծում լարումն իջեցնելու, սահմանային միջադեպերը կանխելու վերաբերյալ։

«Ես այս պայմանավորվածության մասին անմիջապես տեղյակ եմ պահել Արցախի նախագահ Բակո Սահակյանին, և այս պայմանավորվածությունը նրա համար նույնպես ընդունելի է եղել։ Ըստ էության, կարող ենք ասել, որ Ղարաբաղ–Ադրբեջան շփման գծի ողջ երկայնքով միջոցներ ձեռնարկվեն հրադադարի խախտման դեպքերը կանխելու ուղղությամբ»,– ասել է Փաշինյանը՝ ընդգծելով, որ նախորդ օրը երեկոյան արդեն համապատասխան հրաման է տվել մեր զինված ուժերին։

«Ուրախ եմ արձանագրել, որ վերջին գիշերը եղել է իմ վարչապետ ընտրվելուց հետո ամենախաղաղ գիշերը, և հուսով եմ, որ այն տրամանաբանությունը, որ վերջին շրջանում գործում էր, և ցավոք զոհեր էինք ունենում, կորուստներ հայկական և ադրբեջանական կողմից, կդադարի»,– ասել է Փաշինյանը։

Երկու երկրների ղեկավարները նաև պայմանավորվել են ստեղծել օպերատիվ կապի կոմունիկացիա։

«Առայժմ սա համաձայնություն է, իսկ թե ինչպիսին կլինի այդ կապը, տեխնիկական առումով պայմանավորվածություն չկա, պարզապես համաձայնել ենք հանձնարարել մեր համապատասխան գերատեսչություններին, որ մշակեն այդպիսի համակարգ, որ հնարավոր լինի կողմերի միջև օպերատիվ կապ հաստատել։ Որովհետև ամեն անգամ այդ բանավեճը լինում է՝ ով սկսեց, ով խախտեց, ով առաջինը կրակեց, և մենք խնդիր ունենք այս կապն ունենալ, որպեսզի եթե մենք իսկապես ուզում ենք, հրադադարի ռեժիմը լիարժեք  պահպանվի, որովհետև կիսահրադադարի ռեժիմն այդքան էլ հասկանալի չէ, պիտի անպայման այդպիսի օպերատիվ կապի կոմունիկացիա ունենանք»,– ասել է Փաշինյանը։

Վարչապետի խոսքով՝ իրենց շփումը եղել է երեկ երեկոյան և այսօր. «Որոշակի քննարկում ենք ունեցել, ճշգրտել, որ իրար ճիշտ ենք հասկացել»։

Ըստ Փաշինյանի՝ հաջորդ կետով իրենք արձանագրել են բանակցային պրոցեսի և մեթոդի նկատմամբ իրենց հավատարմությունը։

«Ըստ էության արձանագրվել է, որ բանակցություններով պետք է կարգավորվի Արցախի հարցը»,– ասել է Փաշինյանը՝ հույս հայտնելով, որ պայմանավորվածությունները կպահպանվեն, Հայաստանն իր կողմից ամեն ինչ կանի դրա համար։

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ծիծեռնակաբերդի բարձունքում նշվեց Ադրբեջանական ԽՍՀ-ում հայկական ջարդերի զոհերի հիշատակին նվիրված տարելիցը
Ծիծեռնակաբերդի բարձունքում նշվեց Ադրբեջանական ԽՍՀ-ում կազմակերպված...
Բոլորս պետք է ջանանք, որ Սումգայիթում տեղի ունեցած ողբերգությունները երբեք չկրկնվեն. Մարագոս
Իմ խորին ցավակցությունն եմ հայտնում բոլորին, ովքեր 36 տարի առաջ...
Բաքվին կոչ ենք անում առերեսվել հայաբնակ վայրերի հայաթափման հանցանքին, ԼՂ էթնիկ զտմանը և ցեղասպանությանը.հայտարարություն
Ադրբեջանի արտաքին գործերի նախարարությանը հայտարարություն է տարածել՝ շարունակելով Հայաստանի հասցեին հերյուրանքներ սփռելու պետական գիծը...
Այսօր էլ Ադրբեջանը շարունակում է իր վերահսկողության ներքո հայկական որևէ հետքի վերացմանն ուղղված քաղաքականությունը. ԱԳՆ
Միջազգային հանրությունը պետք է համարժեք գնահատական տա տեղի ունեցած զանգվածային ոճրագործություններին և գործարկի առկա բոլոր մեխանիզմները...
Երեւանում տեղի կունենա Ադրբեջանում հայերի ցեղասպանության զոհերի հիշատակի միջոցառում
Փետրվարի 28-ին Ծիծեռնակաբերդում տեղի կունենա հիշատակի միջոցառում...
Մարուքյանը ուշագրավ փաստեր է հրապարակել Խոջալուի դեպքերի հետ կապված՝ վկայակոչելով Ադրբեջանի 1-ին նախագահի հարցազրույցը
Ադրբեջանի առաջին նախագահ Այազ Մութալիբովը հայտարարել է, որ «Խոջալուի վրա հարձակումը անակնկալ հարձակում չէր»։ 1992 թվականին ռուսական...
Ամենաշատ