Տեղեկությունները, թե ՀՀԿ-ն հոկտեմբերի 15-ին հանրահավաք է իրականացնելու չեն համապատասխանում իրականությանը։ Այս մասին Facebook-ի իր էջում գրել է ՀՀԿ փոխնախագահ, ԱԺ արտաքին հարաբերությունների հանձնաժողովի նախագահ Արմեն Աշոտյանը:
«Խնդրում եմ լրատվական միջոցներին Հանրապետական կուսակցությանը վերաբերող լուրեր եւ նորություններ հրապարակելուց առաջ ճշտել դրանց իսկությունը ՀՀԿ գրասենյակից:
Հավաքների ազատության սահմանադրական իրավունքից օգտվելու որոշման դեպքում ՀՀԿ-ն պատշաճ կերպով կիրազեկի հանրությանը՝ օրենքով սահմնաված կարգով»,-գրել է նա:
Ավելի վաղ NEWS.am-ը հայտնել էր, որ ըստ «Ժամանակ» թերթի՝ ՀՀԿ-ականները մտադիր են հոկտեմբերի 15-ին հանրահավաքը կազմակերպել. «Միայն թե դժվար է պատկերացնել, թե բացի ՀՀԿ-ական պատգամավորներից եւ նրանց ընտանիքի անդամներից, էլ ով կմասնակցի այդ հանրահավաքին եւ ինչ զավեշտալի միջոցառում կստացվի արդյունքում»:,-գրել է թերթը: