News
Լրահոս
News
Չորեքշաբթի
Հունիս 19
USD
477.78
EUR
534.35
RUB
7.43
ME-USD
0.15
Տեսնել լրահոսը


Կենտրոնական ընտրական հանձնաժողովն ապօրինի որոշում կայացրեց։ Այս մասին, այսօր՝ սեպտեմբերի 29-ին, ԿԸՀ-ում լրագրողների հետ զրույցում նշեց ԲՀԿ լիազոր ներկայացուցիչ Ռուբեն Մանուկյան՝ անդրադառնալով ԿՀԸ-ի կողմից իրենց դիմումի մերժելու որոշմանը:

Նա ընդգծեց, որ ըստ ԿԸՀ որոշման, ստացվում է, որ լռության օրը, դիտորդը ցանկացած բան կարող է հայտարարել ու դա չհամարվի հակաքարոզչություն: Այդուհանդերց, Մանուկյանը դժվարացավ ասել՝ Վարչական դատարան դիմելու են, թե ոչ. «Կմտածենք, իրավաբանների հետ կորոշենք ու կասենք։ Գումար բաժանելու մասին հայտարարութունները բացասական է անդրադարձել ԲՀԿ-ի վարկանիշի վրա, եւ կարեւոր չէ, որ դրանից հետո կարող է բացահայտվել՝ ճի՞շտ էր, թե՞ սխալ, այսինքն՝ դա ապատեղեկատվություն է, որն ուղղված էր մեր դեմ, դա հակաքարոզչություն էր»,- ասաց նա։

ԲՀԿ ներկայացուցիչ Դավիթ Ոսկանյանն իր հերթին հայտարարեց, որ մամուլի ասուլիսի ժամանակ «Անկախ դիտորդ»-ի ներկայացուցիչ Դանիել Իոաննիսյան հրապարկել է չճշտված տեղեկատվություն. «Նրանք ԲՀԿ-ի անունը տալով, ներկայացրել են մի իրավիճակ,  թե գումարներ են բաժանվում, բայց ներկայացրել են տարբեր տեղերից եկած ու չճշտված տվյալներ: Այստեղ ես միտումնավորություն եմ տեսնում, քանի որ որեւէ բան դիտորդին չէր խանգարում այդ հայտարարություն անել ընտրություններից հետո»:

Ավելի վաղ NEWS.am-ը հայտնել էր, որ Հայաստանը ԿԸՀ-ն այսօր՝ սեպտեմբերի 29-ի իր որոշմամբ մերժել է ԲՀԿ լիազոր ներկայացուցիչ Ռուբեն Մանուկյանի դիմումը՝ ընդդեմ «Անկախ դիտորդ»-ի ներկայացուցիչ Դանիել Իոննիսյանի:

Հիշեցնենք, որ ԲՀԿ–ն դիմել էր ԿԸՀ՝ պահանջելով վարույթ հարուցել այն բանի համար, որ «Անկախ դիտորդ» կազմակերպության ներկայացուցիչ Դանիել Իոաննիսյանը սեպտեմբերի 22–ին՝ Երեւանի քաղաքապետի ընտրությունների նախորդ օրը (լռության օրը) ասուլիս է հրավիրել եւ հակաքարոզչություն իրականացրել՝ խախտելով օրենքը։ Իոաննիսյանը մասնավորապես հայտարարել էր, որ ԲՀԿ-ի կազմակերպած ֆլեշմոբի մասնակիցներին փող է բաժանվել, որի վերաբերյալ ինքն ունի ապացույցներ: Ավելի ուշ, ընտրություններից հետո, նա նաեւ ասվածն ապացուցող ձայնագրություն է հրապարակել:

ԿԸՀ-ն մերժեց ԲՀԿ-ի ներկայացուցչի դիմումը՝ կապված «լռության օրը» հակաքարոզչություն իրականացնելու հետ

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Ազատ հայրենիքը» ձգտելու է շարունակել զբաղեցնել իր առաջատար դիրքը. Արայիկ Հարությունյան
«Ազատ հայրենիքը» իր նշանակալի նպաստն ունի Արցախի պետականաշինության գործում...
Չենք լռելու եւ չենք դառնալու իշխանության գրպանի ընդդիմություն. Շարմազանով
Ալավերդու պղնձաձուլարանի փակումը վառ օրինակ է, թե ինչ է անում Փաշինյանի իշխանությունը...
Հայաստանի ԿԸՀ-ն ներկայացրել է Երեւանի նորընտիր ավագանու կազմը (ցանկ)
ԿԸՀ-ն նախ ուժը կորցրած է ճանաչել ԲՀԿ ընտրական ցուցակում ընդգրկված ավագանու անդամի թեկնածուներ Նաիրա Զոհրաբյանի, Պետրոս Ղազարյանի…
Զուտ տեխնիկական իմաստով Երեւան ընտրությունները նահանջ էին. Արմեն Աշոտյան
Ինչ վերաբերում է ԱԺ արտահերթ ընտրությունների ժամկետին, արդյոք բացառում է, որ դրանք տեղի ունենան այս տարի, Աշոտյանը չբացառեն նման տարբերակը...
Զուտ տեխնիկական իմաստով Երեւան ընտրությունները նահանջ էին. Արմեն Աշոտյան
Ինչ վերաբերում է ԱԺ արտահերթ ընտրությունների ժամկետին, արդյոք բացառում է, որ դրանք տեղի ունենան այս տարի, Աշոտյանը չբացառեն նման տարբերակը...
Հայտնի է Երեւանի ավագանիում ԲՀԿ խմբակցության կազմը. Նաիրա Զոհրաբյանն ու Պետրոս Ղազարյանը այդ ցանկում չեն
Ավելի վաղ NEWS.am-ը հայտնել էր, որ ԿԸՀ-ն հրապարակել է Երեւանի ավագանու ընտրությունների վերջնական արդյունքները, ըստ որի...