News
Լրահոս
News
Երեքշաբթի
Փետրվար 19
Տեսնել լրահոսը


ԿԸՀ-ն փաստեց, որ Ընտրական օրենսգրքով հստակ ամրագրված չէ քարոզչություն եզրույթը, դա նաեւ դաս է, որ Ընտրական օրենսգրքի առաջիկա փոփոխությունների ժամանակ նաեւ էդտեղ հստակություն մտցվի: Այս մասին, այսօր՝ սեպտեմբերի 29-ին, ԿԸՀ-ում լրագրողների հետ զրույցում նշեց «Անկախ դիտորդ» կազմակերպության ներկայացուցիչ Դանիել Իոաննիսյանը՝ անդրադառնալով ԿԸՀ-ի կողմից ԲՀԿ-ի դիմումի մերժմանը։

«Ես մի քիչ զարմացած եմ, որ ԲՀԿ-ն նախընտրեց դիմում ներկայացնել ԿԸՀ, ոչ թե ուղիղ գնալ դատարան, որի իրավունքը ուներ եւ դա ավելի էֆեկտիվ պաշտպանության մեխանիզմ է: Նաիրա Զոհրաբյանն էլ հայտարարում էր, որ դատարան են գնալու եւ մի քիչ զարմացած ենք, որ գնացին այս մեթոդին: Ես շարունակում եմ պնդել, որ որեւէ քարոզչության կամ հակաքարոզչության նպատակ չի եղել , հնչել են նաեւ այլ անուններ: Արդեն հրապարակվել է ձայնագրությունը, բոլորը կարող են ծանոթանալ եւ գնահատել, թե որքանով էր մեր ներկայացրած փաստերն իրական»,-ասաց նա:

Նա ընդգծեց, որ երբ բացահայտեցել են փաստը, անմիջապես հրապարակել են. «Սա է դիտորդական աշխատանքի մոտիվը՝ մենք տեսնում ենք խնդիրը, մենք դա բարձրաձայնում ենք։ ԸՕ 32-րդ հոդվածը մեզ հնարավորություն է տալիս, այդ թվում լրատվամիջոցների միջոցով, հայտարարել մեր բացահայտումների մասին»։

Հարցին, թե եթե այդ ձայնագրությունը փոխանցվել է ոստիկանությանը, կա՞ արդեն իրավական հետեւանք, Իոաննիսյանն արձագանքեց, որ իրավաբաններն ասում են, որ այդ ձայնագրության մեջ չկա հանցակազմ, այսինքն քրգործ չի հարուցվի, բայց  իրավախախտումներ կան: Մասնավորապես, եթե ԲՀԿ-ն ֆլեշմոբի մասնակիցներն փող է բաժանել, ապա դա պետք է երեւա եւ դրանից առվազն հարկեր վճարվեն:

Իոաննիսյանը նշեց, որ ոչ մի դեպքում իրենց արածը հակաքարոզչություն չի կարող դիտվել: Հարցին, թե արդյոք իր հայտարարությունը չէր կարող ազդել ընտրությունների արդյունքների վրա, նա պատասխանեց, որ կարող է եւ ազդած լինել: Իոաննիսյանը տեսական օրինակ բերեց, որ կարող է ասենք որեւէ թեկնածու ընտրության նախորդ օրը մարդ սպանել եւ իրենք բարձրաձայնեն դրա մասին. «Իհարկե, շատերը, որոնք որոշել էին ընտրել այդ թեկնածուին, կարող է չընտրեն, այսինքն ազզդեց ընտրության արդյունքի վրա, բայց արդյոք դա նշանակում է, որ մենք չպետք է բարձրաձայնենք դրա մասին»:

Ավելի վաղ NEWS.am-ը հայտնել էր, որ Հայաստանը ԿԸՀ-ն այսօր՝ սեպտեմբերի 29-ի իր որոշմամբ մերժել է ԲՀԿ լիազոր ներկայացուցիչ Ռուբեն Մանուկյանի դիմումը՝ ընդդեմ «Անկախ դիտորդ»-ի ներկայացուցիչ Դանիել Իոննիսյանի:

Հիշեցնենք, որ ԲՀԿ–ն դիմել էր ԿԸՀ՝ պահանջելով վարույթ հարուցել այն բանի համար, որ «Անկախ դիտորդ» կազմակերպության ներկայացուցիչ Դանիել Իոաննիսյանը սեպտեմբերի 22–ին՝ Երեւանի քաղաքապետի ընտրությունների նախորդ օրը (լռության օրը) ասուլիս է հրավիրել եւ հակաքարոզչություն իրականացրել՝ խախտելով օրենքը։ Իոաննիսյանը մասնավորապես հայտարարել էր, որ ԲՀԿ-ի կազմակերպած ֆլեշմոբի մասնակիցներին փող է բաժանվել, որի վերաբերյալ ինքն ունի ապացույցներ: Ավելի ուշ, ընտրություններից հետո, նա նաեւ ասվածն ապացուցող ձայնագրություն է հրապարակել:

ԿԸՀ-ն մերժեց ԲՀԿ-ի ներկայացուցչի դիմումը՝ կապված «լռության օրը» հակաքարոզչություն իրականացնելու հետ

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Ազատ հայրենիքը» ձգտելու է շարունակել զբաղեցնել իր առաջատար դիրքը. Արայիկ Հարությունյան
«Ազատ հայրենիքը» իր նշանակալի նպաստն ունի Արցախի պետականաշինության գործում...
Չենք լռելու եւ չենք դառնալու իշխանության գրպանի ընդդիմություն. Շարմազանով
Ալավերդու պղնձաձուլարանի փակումը վառ օրինակ է, թե ինչ է անում Փաշինյանի իշխանությունը...
Հայաստանի ԿԸՀ-ն ներկայացրել է Երեւանի նորընտիր ավագանու կազմը (ցանկ)
ԿԸՀ-ն նախ ուժը կորցրած է ճանաչել ԲՀԿ ընտրական ցուցակում ընդգրկված ավագանու անդամի թեկնածուներ Նաիրա Զոհրաբյանի, Պետրոս Ղազարյանի…
Զուտ տեխնիկական իմաստով Երեւան ընտրությունները նահանջ էին. Արմեն Աշոտյան
Ինչ վերաբերում է ԱԺ արտահերթ ընտրությունների ժամկետին, արդյոք բացառում է, որ դրանք տեղի ունենան այս տարի, Աշոտյանը չբացառեն նման տարբերակը...
Զուտ տեխնիկական իմաստով Երեւան ընտրությունները նահանջ էին. Արմեն Աշոտյան
Ինչ վերաբերում է ԱԺ արտահերթ ընտրությունների ժամկետին, արդյոք բացառում է, որ դրանք տեղի ունենան այս տարի, Աշոտյանը չբացառեն նման տարբերակը...
Հայտնի է Երեւանի ավագանիում ԲՀԿ խմբակցության կազմը. Նաիրա Զոհրաբյանն ու Պետրոս Ղազարյանը այդ ցանկում չեն
Ավելի վաղ NEWS.am-ը հայտնել էր, որ ԿԸՀ-ն հրապարակել է Երեւանի ավագանու ընտրությունների վերջնական արդյունքները, ըստ որի...