ԱՄՆ-ի NASA տիեզերական գործակալությունը հայտնել է խոշոր SP1 աստերոիդի մոտենալու մասին, հաղորդում է «ՌԻԱ Նովոստին»:
Աստերոիդի ճշգրիտ չափերը դեռ հայտնի չեն: NASA-ի տվյալներով, երկարությունը տատանվում է 70-ից մինչեւ 160 մետր: Ինչպես նշում է The Daily Express-ը, այն իր չափերով կարող է գերազանցել հայտնի Բիգ Բենին կամ Լոնդոնի դիտման անիվի բարձրությունը:
Ըստ հրատարակության, արագությունը, որով SP1-ը շարժվում է, ժամում մոտ 36,700 մղոն է: Երկրի եւ նրա միջեւ ամենակարճ հեռավորությունը կլինի հոկտեմբերի 3-ին: Այդ ժամանակ աստերոիդը մեր մոլորակի կողքով կանցնի 0.03926 աստղագիտական միավորների կամ 5.87 միլիոն կիլոմետր հեռավորության վրա, ինչը 15 անգամ գերազանցում է Երկրի եւ Լուսնի միջեւ հեռավորությունը:
Ինչպես նշում է հրատարակությունը, չնայած այն հանգամանքին, որ նման հեռավորությունը կարող է աներեւակայելի մեծ թվալ, SP1-ի եւ Երկրի բախումը կարող է աղետալի հետեւանքների հանգեցնել:
