Փրկարարական ծառայությունները անցյալ շաբաթվա վերջին ծովում հայտնաբերել են, ընդհանուր առմամբ, 672 միգրանտի, ովքեր Աֆրիկայից փորձում էին նավով հասնել իսպանական ափ, հաղորդում է «ՌԻԱ Նովոստին»:
Փրկարարական ծառայության տվյալներով` շաբաթ Ալբորան կղզում (Միջերկրական ծովի արեւմտյան մասում) հայտնաբերվել է յոթ նավ, որոնցում եղել է 342 մարդ:
Կիրակի նույն տարածքում հայտնաբերվել է եւս 7 նավ եւ 318 մարդ: Հյուսիս-արեւմտյան ափին Պալոս հրվանդանում հայտնաբերվել է նավ, որում տասներկու տղամարդ է եղել:
Այս տարի միգրացիոն հոսքը դեպի Իսպանիա կտրուկ ավելացել է: Տարվա սկզբին Միջերկրական ծովի միջոցով երկիր է հասել է 35 հազար 859 միգրանտ՝ սա ավելին է քան նախորդ երեք տարիների ընթացքում, վկայում են Միգրացիայի միջազգային կազմակերպության տվյալները:
Ընդհանուր առմամբ, Միջերկրածովյան ծովով տարվա սկզբից եվրոպական երկրներ ներթափանցել է 81207 մարդ, , 1733-ը մահացել է (որոնցից 362-ը Իսպանիա ուղեւորվելիս):