2015 TB145 աստերոիդը, որն իր ձեւով նման է մարդու գանգի, նոյեմբերի 11-ին կմոտենա Երկրին, հայտնում է Live Science-ը:
Երկնային մարմինը մեր մոլորակին կմոտենա 38 մլն կմ հեռավորությամբ, որը Երկրից Արեգակ հեռավորության մոտ քառորդ մասն է:
Արտառոց աստերոիդն առաջին անգամ գիտնականների տեսադաշտում է հայտնվել 2015 թվականին: Այդ ժամանակ օբյեկտը Երկրին մոտ է թռչել հոկտեմբերի 31-ին, ինչ պատճառով անվանել են «հելոունյան աստերոիդ»:
Երկնային մարմինը մեր մոլորակին էր մոտեցել 486 հազար կմ հեռավորությամբ, եւ աստղագետներին հաջողվել էր մի քանի լուսանկարներներ անել, որոնց վրա երեւում են ճակատը, կզակը, աչքերի խոռոչները եւ քթի փորվածքը:
2015 TB145-ը մեկ այլ առանձնահատկություն էլ ունի. NASA-ի հետազոտողների կարծիքով՝ այն մեռած գիսաստղ է: Սա կարող է վկայել օբյեկտի երկարավուն ուղեծրի եւ արագության մասին: Այն, ամենայն հավանականությամբ, «պոչից» զրկվել է Արեգակին հաճախակի մոտենալու պատճառով: Մյուս առաձնահատուկությունը աստերոիդի գույնն է: Այն փաստացի բացարձակ սեւ է, իր վրա ընկնող լույսի 94 տոկոսը կլանում է:
