Ազգային ժողովի այսօր՝ հոկտեմբերի 2–ին, հրավիրված արտահերթ նիստում պատգամավորները ստիպված են լինելու քվեարկել ձեռքով։
NEWS.am–ի թղթակիցն Ազգային ժողովից հայտնում է, որ «Ելք» խմբակցության ղեկավար Լենա Նազարյանը նիստից առաջ հավաքել է պատգամավորների քվեարկության քարտերը։
Նշենք, որ նիստն անցնում է լարված մթնոլորտում։ Տեխնիկական խնդիրների պատճառով ձայնը լսելի չէ, սակայն, կադրերից պարզ է դառնում, որ առաջին իսկ պահերից սկսվել է լարվածությունը։ Մասնավորապես, ԱԺ նախագահ Արա Բաբլոյանը վրդովված խոսում էր, նրան հանգստացրեց Արփինե Հովհաննիսյանը։