News
Լրահոս
News
Ուրբաթ
Մարտ 29
Տեսնել լրահոսը

Եվրոպայի Խորհրդի Խորհրդարանական Վեհաժողովի (ԵԽԽՎ) մոնիթորինգի հանձնաժողովի Հայաստանի հարցերով համազեկուցող Յուլիա Լեվոչկինան Հայաստանի  բոլոր քաղաքական ուժերին կոչ է արել լիովին հարգել ժողովրդավարական սկզբունքները եւ օրենքի գերակայությունը ինչպես խոսքով, այնպես էլ գործով:

«Երեւանի ավագանու ընտրությունները հստակ ցույց տվեցին հայ ժողովրդի ժողովրդավարական ձգտումները: Միեւնույն ժամանակ մասնակցությունը ցույց տվեց, որ քաղաքական գործընթացին հասարակական վստահությունը ցածր է մնում: Ուստի կարեւոր է, որ հաջորդ խորհրդարանական ընտրությունները բոլոր քաղաքակաան ուժերի եւ շահագրգիռ կողմերի համար  ընկալվեն որպես ժողովրդավարական եւ արդար:  Թեեւ մենք հասկանում ենք արտահերթ ընտրությունների կոչը, մենք համառորեն կոչ ենք անում իշխանություններին եւ բոլոր շահագրգիռ քաղաքական կողմերին ապահովել, որպեսզի արտահերթ ընտրությունները լիովին համապատասխանեն ժողովրդավարական ընտրությունների անցկացման եվրոպական ստանդարտներին եւ նորմերին եւ որպեսզի բոլոր քաղաքական ուժերը բավականաչափ ժամանակ ունենան պատրաաստվելու համար:

Դա հատկապես կարեւոր կլինի այն դեպքում, եթե Ընտրական օրենսգիրքը իսկապես փոխվի, ինչպես դա պահանջել են որոշ քաղաքական ուժեր: Բոլոր փոփոխությունները պետք է լիովին հաշվի առնեն Վենետիկյան հանձնաժողովի ղեկավար սկզբունքները, այդ թվում՝ ընտրական օրենսդրության կայունության առումով եւ պետք է բոլոր քաղաքական ուժերի միջեւ հիմնվեն  հնարավորինս լայն կոնսենսուսի վրա», - ասվում է համազեկուցողի հայտարարության մեջ:

Նա ընդգծել է, որ բավականաչափ ժամանակ է անհրաժեշտ պատշաճ խորհրդատվությունների անցկացման եւ կոնսենսուսի հասնելու համար, եւ դա ավելի կարեւոր նշանակություն կունենա սահմանադրական հնաարավոր փոփոխությունների ենթատեքստում, որոնք պետք չէ հապճեպ դիտարկել:

Անդրադառնալով Հայաստանում տեղի ունեցող վերջին իրադարձություններին, որոնք քաղաքական իրավիճակում լարվածությունն ուժեղացրել  են եւ հանգեցրել են քաղաքական հաշվեհարդարի  եւ քրեական հետաքննությունների քաղաքական դրդապատճառների մասին հայտարարություններին, Լեւոչկինան նշել է. «Մենք բազմիցս ողջունել ենք Հայաստանում իշխանության խաղաղ եւ ժողովրդավար փոխանցումը, այդ թվում իշխանությունների հավաստիացումներն այն մասին, որ ժողովրադավարական սկզբունքները լիովին կապահովվեն եւ այն, որ դատական համակարգը իր աշխատանքը կկատարի առանց քաղաքական միջամտության՝ դրանով խուսափելով քաղաքական հաշվեհարդարի մասին ցանկացած մտավախություններից:

Ես շեշտում եմ, որ հանցագործությունների համար անպատժելիություն չի լինի, անկախ նրանցից, թե ով է դրանք կատարել: Հետեւաբար, մենք ողջունում ենք 2008 թվականի մարտին տեղի ունեցած ողբերգական իրադարձությունների ընթացքում զոհված տասը մարդկանց մահվան վերաբերյալ վստահության արժանի հետաքննությունը:

Սակայն ցանկացած հետաքննություն, ներառյալ կոռուպցիոն պնդումների վերաբերյալ, պետք է խստորեն իրականացվի օրենքի գերակայության, դատական համակարգի անկախության եւ Մարդու իրավունքների եվրոպական կոնվենցիայի արդար դատաքննության սկզբունքների համաձայն»:

Մոնիթորինգի հանձնաժողովի խնդրանքով համազեկուցողները մոտ ապագայում կայցելեն Հայաստան բոլոր շահագրգիռ կողմերի հետ վերջին իրադարձությունները քննարկելու համար:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Արուսյակ Ջուլհակյանը միաձայն ընտրվել է ԵԽԽՎ ենթահանձնաժողովի նախագահ
ՀՀ ԱԺ «Քաղաքացիական պայմանագիր» խմբակցության պատգամավոր...
ՀՀ ՄԻՊ-ը և ԵԽ ծրագրերի համակարգման տնօրենը քննարկել են բանակում մարդու իրավունքների պաշտպանության վիճակի հարցերը
Հանդիպման ավարտին կողմերը պատրաստակամություն են հայտնել ընդլայնել փոխգործակցության ուղղությունները…
Ալիևը ԵԽ-ին սպառնացել է լքել կառույցը
Եթե մեկ տարվա ընթացքում Եվրոպայի խորհրդի խորհրդարանական վեհաժողովում (ԵԽԽՎ) ադրբեջանական...
Օղակն Ադրբեջանի կամ Ալիևի ռեժիմի շուրջ գնալով սեղմվում է. Բելգիայում ՀՀ դեսպան
Եվրամիությունից (ԵՄ) Ադրբեջանին արվող զգուշացումները, ԵԽԽՎ-ում տեղի…
ԵԽ անդամ պետությունները պետք է կանխեն լրագրողների նկատմամբ հետապնդումները. Արուսյակ Ջուլհակյանի ելույթը՝ ԵԽԽՎ-ում
Լրագրողների անվտանգությունը հավաքական պատասխանատվություն է: ԵԽ անդամ պետությունները պետք է կանխեն լրագրողների նկատմամբ...
Ամեն ինչ շատ պարզ է, հասարակ ու մեզ հետ կապ չունեցող. Արևմուտքը որոշեց պատժել ապստամբին. Դավիթ Անանյան
Որոշումն ընդունվել է վերադարձի պայմանով, իհարկե, անհույս ակնկալելով, որ Ադրբեջանը անվերապահորեն կընդունի ԵԽԽՎ չափանիշներով...
Ամենաշատ