ՀԱՀ Արեւմտյան Կապսի նահանգի համալսարանի հետազոտողները պարզել են, որ տեղի կոբրաների շրջանում տարածված է հանիբալիզմը: Գիտնականները հայտնագործության մասին հայտնել են Ecology ամսագրում հրապարակված հոդվածում:
2017 թվականի գարնանը հետազոտողները Հարավային Աֆրիկայում Կալահարի անապատում սարսափազդու տեսարանի են ականատես եղել՝ կոբրայի խոշոր արուն առանց շտապելու կուլ էր տալիս իր տեսակի մեկ այլ արուի: Գիտնականները կարծել էին, թե կոբրաների մոտ հանիբալիզմի եզակի դեպքի են բախվել, սակայն հետագա դիտարկումները ցույց են տվել, որ դա համեմատաբար լայն տարածում ունի:
Կոբրաների ընտանիքում հաշվվում է մոտ 30 տեսակ, որոնցից 6-ն ընտրվել է դիտարկումների համար: Պարզվել է, որ հանիբալիզմն առկա է դրանցից հինգում: Հետաքրքիր է, որ ինչպես հանիբալ օձերը, այնպես էլ զոհերը միայն արուներն են. հետազոտողների կարծիքով՝ սա կարող է կապված լինել տարածքի համար կոբրաների պայքարով:
Գիտնականները հույս ունեն հետագայում ավելին իմանալ կոբրաների այսպիսի տարօրինակ փոխազդեցության պատճառների եւ հետեւանքների մասին, որոնք օձերի հանիբալիզմը հասցնում է էկոհամակարգին: