Հայաստանում չկա քաղաքական ճգնաժամ, քանի որ այդպես է ասում միայն վարչապետ Նիկոլ Փաշինյանը: Այս մասին հոկտեմբերի 4-ին լրագրողների հետ հանդիպման ժամանակ հայտարարեց «Ազգային համաձայնություն» կուսակցության ղեկավար Արամ Հարությունյանը:
Անդրադառնալով խորհրդարանի կողմից օրենքի ընդունմանը, որը բարդացնում է դրա լուծարումը, Հարությունյանը կարծիք հայտնեց, որ նախաձեռնությունը ողջամիտ եւ ժամանակին էր: «Սա բնական գործընթաց է, քանի որ այս օրենքը վաղուց պետք է ընդունվեր: Այն տրամաբանական է», - ասաց քաղաքական գործիչը:
Փաշինյանը, «Ազգային համաձայնություն» կուսակցության ղեկավարի կարծիքով, հիանալի հասկանում է, որ իր վարկանիշը ընկնում է, երկում վիճակը բարդանում է, քանի որ նախկինում իր տված խոստումներից ոչ մեկը չի կատարվել, սննդամթերքի գները շարունակում են աճել, Ռուսաստանի եւ եւ անգամ ԱՄՆ-ի հետ հարաբերությունները վատթարացել են:
Հետեւաբար նա ձգտում է հնարավորինս արագ անցկացնել խորհրդարանական ընտրությունները:
Արամ Հարությունյանը Փաշինյանին ոչ ադեկվատ է համարում:
«Փաշինյանը լուրջ սպառնալիք է ներկայացնում Հայաստանի ազգային անվտանգությանը, նրա շարժման ակտիվիստների շրջանում շատ են ԼԳԲՏ համայնքի եւ տարբեր աղանդների ներկայացուցիչները»,- ասաց կուսակցության ղեկավարը: