Լուսնի ուղեծիրը մոտ ժամանակներս հասանելի կլինի Ռուսաստանին, հնարավոր է նույնիսկ առանց նոր արձակվող տիեզերանավերի, միայն «Անգարա» հրթիռի եւ այժմ արդեն արձակված «Սոյուզ» տիեզերանավերի միջոցով։ Այս մասին լրագրողներին հայտնել է «Ռոսկոսմոսի» ղեկավար Դմիտրի Ռոգոզինը՝ տեղեկացնում է ՏԱՍՍ-ը։
Ըստ նրա՝ «Էներգիա» տիեզերահրթիռային գործակալության մասնագետները հաշվարկել են, որ հինգ-վեց տարուց ռուսական տիեզերական սարքերը կհասնեն Լուսին։
Ռոգոզինը նշել է, որ այժմ մարդկանց տիեզերք տանում է միայն Ռուսաստանը։ ԱՄՆ-ը ծրագրում է նման ուղեւորություններ, սակայն դեռ չի իրականացրել։ Նրա կարծիքով՝ երբ ԱՄՆ-ը ստեղծի տրանսպորտային իր համակարգը, կհասկանա, որ «լուսնային ուղեծիր ինքնուրույն, առանց պահուստային համակարգի թռչել չի կարող։ «Ռոսկոսմոսը» հիմա արդեն ունի թռչելու հնարավորություն՝ հավելել է Ռոգոզինը։