Հյուսիսային Կորեայի արեւմուտքում՝ Սոխե հրթիռների փորձարկման փորձադաշտում, օգոստոսի սկզբից օբյեկտների ապամոնտաժում չի իրականացվել: Այս մասին, ինչպես փոխանցում է ՏԱՍՍ-ը, հաղորդել է Վաշինգթոնում գտնվող Ջոնս Հոփկինսի անվան համալսարանին առընթեր 38 North հետազոտական խումբը, որը զբաղվում է Կորեայի հյուսիսի մասին տեղեկությունների հավաքմամբ եւ վերլուծությամբ:
Սեպտեմբերի 27-ի նկարները հաստատել են, որ փորձադաշտում ապամոնտաժման բոլոր գործողությունները օգոստոսի 3-ից չեն իրականացվում:
Ավելի վաղ, սեպտեմբերին Հյուսիսային եւ Հարավային Կորեաների ղեկավարների հանդիպման ժամանակ, ԿԺԴՀ-ն փորձագետների ներկայությամբ եւ ընդմիշտ պարտավորվել էր վերացնել այդ օբյեկտը, որն օգտագործվում է մեծ հեռահարության հրթիռների արձակման համար: 38 North-ի փորձագետները կարծում են, որ Փհենյանում հավանաբար, սպասում են հոկտեմբերի 7-ին ԿԺԴՀ ԱՄՆ Պետքարտուղար Մայքլ Պոմպեոյի պետական այցի արդյունքներին:
Հրթիռային շարժիչի փորձարկման եւ մեկնարկային օբյեկտի վերացման իրական աշխատանքները Սոխեում կատարվել են միայն հուլիսից մինչեւ օգոստոսի սկիզբ, նշում են կայքի մասնագետները:
Սոխե (Տոնչհան-նի) փորձնական փորձադաշտը, որը կոչվում է նաեւ տիեզերական կայան, գտնվում է Չինաստանի սահմանի մոտ գտնվող բլրավար տեղանքում, Փհենյանից 200 կմ հյուսիս-արեւմուտք եւ Յոնբենում գտնվող մեծ միջուկային կենտրոնից 70 կմ դեպի արեւմուտք:
Հունիսի 12-ին Սինգապուրում տեղի էր ունեցել ԱՄՆ նախագահ Դոնալդ Թրամփի եւ ԿԺԴՀ նախագահ Կիմ Չեն Ընի հանդիպումը: Վերջնական հայտարարության համաձայն, Փհենյանը ստանձնել է Կորեական թերակղզու ապամիջուկայնացման պարտավորությունները Վաշինգթոնի կողմից անվտանգության երաշխիքների դիմաց:
