News
Լրահոս
News
Հինգշաբթի
Հունվար 20
USD
481.65
EUR
546.14
RUB
6.3
Տեսնել լրահոսը


Հարգելի՛ պարոն վարչապետ, քաղաքական մեծամտությունը եւ ցինիզմը կործանել են ձեզնից հազարապատիկ ավելի ուժեղ գործիչների: Այս մասին, այսօր՝ հոկտեմբերի 5-ին, ԱԺ-ում լրագրողների հետ զրույցում ասաց ԱԺ փոխնախագահ, ՀՀԿ խոսնակ Էդուարդ Շարմազանովը՝անդրադառնալով Նիկոլ Փաշինյանի  հայտարարությանը, թե էյֆորիան կարող է 15 տարի շարունակ չանցնի, չի նշանակում, թե արտահերթ ընտրություններ չպետք է լինեն:

«Բոնապարտիզմը կործանել է հենց Նապոլեոն Բոնապարտին, մենք տեսել ենք Լեւոն Տեր-Պետրոսյանին, ով 90 տոկոսից ավելի ձայն ուներ: Իրենցից ավելի հզոր  գործիչների է կործանել, եւ երբ, որ դու ասում ես՝ 15 տարի այս կլինի, այն կլինի, Աստված տա՝ 15 տարի Հայաստանում լինի մի ղեկավար, որ ժողովուրդը կծափահարի, բայց մենք տեսել ենք 1991թ-ին քանի տոկոսով Լեւոն Տեր-Պետրոսյանն ընտրվեց, իսկ երբ որ 1992-ի վերջին որպես ուսանող եկա Երեւան, փողոցներում մարդ չէիր կարող գտնել, որը Լեւոն Տեր-Պետրոսյանին դրական խոսք ասեր:

Կարող է «Հայք» թերթի խմբագրությունում ասեին, մեկ էլ ՀՀՇ-ի գրասենյակում ասեին»,-ընդգծեց Շարմազանովը:

Հարցին՝ արդյոք նույն պատճառով կործանվեց ՀՀԿ-ն, Շարմազանովն ասաց՝  միգուցե:

Դիտարկմանը, որ կառավարությունը չի կարող խորհրդարանում չունենալ մեծամասնություն եւ աշխատել ԱԺ-ի հետ, Շարմազանովը դրան երկու վերապահում ներկայացրեց. «Վերապահում առաջին՝ աշխարհում բազմաթիվ օրինակներ կան. Շվեդիան, որտեղ շատ արդյունավետ աշխատում է փոքրամասնության կառավարությունը եւ երկրորդ օրինակը, որը շատ ավելի փաստարկված կասեմ՝ մայիսի 8-ին էլ պարոն Փաշինյանը խորհրդարանում չուներ  մեծամասնություն, ինչո՞ւ մայիսի 8-ին հայտարարեցիր, որ կա՛մ ժողովուրդը չի ունենա վարչապետ, կա՛մ կլինեմ միայն ես, ինչո՞ւ այդ ժամանակ  չգնացիր արտահերթ ընտրությունների, այն ժամանակ գնայիր արտահերթ ընտրությունների:

Կարելի՞ է տրամաբանական ենթադրություն անել, որ այն ժամանակ չունեիր ռեսուրսներ, քեզ պետք էր պետական ռեսուրսները վերցնել ՝ոստիկանություն, ԱԱԾ, ՊՊԾ, նախարարություններ եւ այլն, որպեսզի քո ընտրարշավի համար էտ ռեսուրսը օգտագործես: Կարելի՞ է սա ենթադրել, այլ հիմնավորում ես չեմ տեսնում: Եթե ասում ես՝ ոչինչ պետք չէ փոխել, գնում ենք ընտրությունների դեկտեմբերին, ինչի՞ ժողովուրդը մայիսին չէր պահանջո՞ւմ, կարող է՝ ժողովուրդը մայիսին ասում էր՝ ես Շարմազանովի ցավը տանեմ, ինքը պիտի լինի: Ժողովուրդ էն ժամանակ էլ էր նույնը ասում, հիմա էլ»,-ընդգծեց նա:

Շարմազանովը զարման  հայտնեց, որ ոչ ոք չի խոսում այն մասին, որ Սահմանադրություն է խախտվել եւ վարչապետը ճնշում է գործադրել խորհրդարանի վրա. «Որտե՞ղ է գրված, որ վարչապետն իրավունք ունի իր կողմնակիցներին բերի եւ ճնշում գործադրի պատգամավորների վրա»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԱՆԻՖ-ի պայմանագրային ներդրումային ֆոնդը ներդրում կիրականացնի «ԵՄ-Հայաստան ՓՄՁ Ֆոնդում»
Ֆոնդում մասնակցություն կունենա նաև Նիդերլանդների ձեռնարկատիրական զարգացման բանկը՝ FMO-ն, որի բաժնետոմսերի մեծամասնությունը պատկանում է...
Փաշինյանը նշել է Հայաստանում հեղափոխության հաղթանակի գինը՝ 200 հազար դոլար
Նրա խոսքով՝ արդյունքում իրավիճակը Հայաստանում այնպես է փոխվել, որ «այժմ ասյտեղ չկան մենաշնորհներ»...
Ռուսական խոշոր «Վեդոմոստի» պարբերականի ընթերցողները Փաշինյանին տարվա քաղաքական գործիչ են ընտրել
Պարբերականի խմբագրությունը տարվա քաղաքական գործիչ է ընտրել Գերմանիայի կանցլեր Անգելա Մերկելին, իսկ ընթերցողները նախապատվությունը տվել են հայ առաջնորդին…
Հայաստանում գործարաններ են ստեղծվում մի քանի հազար աշխատատեղով. Փաշինյանը թվերով խոսեց ներդրումների մասին
Հայկական բրենդով հեռուստացույց եւ կենցաղային տեխնիկա է արտադրվելու...
Լենա նազարյանը պնդում է ՝ խոստումները կատարել են, աշխատավարձերի բարձրացում էլ եղել է
Նման քայլեր կլինեն պետական այլ ծառայողների, ուսուցիչների, իրավապահ մարմիններում աշխատող մարդկանց նկատմամբ...
Իշխանությունը փորձում է մարդկանց մեջ արթնացնել Սերժ Սարգսյանի ուրվականը. Արմեն Աշոտյան
Հարգելի Նիկոլ Փաշինյան, երբ դու դարձել ես վարչապետ, Սերժ Սարգսյանն արդեն հեռացված էր…
Ամենաշատ