Իտալական Սիցիլիա կղզու Կատանիա նահանգում տեղի է ունեցել 4,8 մագնիտուդով երկրաշարժ, հայտնում է ANSA-ն:
Հաղորդվում է, որ ստորգետնյա ցնցումների օջախը գտնվում էր 9 կմ խորությամբ: Էպիկենտրոնը գտնվել է Սանտա Մարիա դի Լիկոդիա կոմունայի տարածքում:
Գործակալության տեղեկություններով՝ երկրաշարժը զգացվել է Կատանիայի ամբողջ տարածքում, ինչպես նաեւ Էննա եւ Մեսինա նահանգներում ու Սիրակուզա քաղաքում:
Մի քանի մարդու հիվանդանոց են տեղափոխել թեթեւ վնասվածքներով: Հաղորդվում է նաեւ որոշ շենքերի քիվերի փլուզման մասին:
Օգոստոսին Կենտրոնական Իտալիայում տեղի էր ունեցել 5,2 մագնիտուդով երկրաշարժ: