Ռուսաստանում քրեական գործ է հարուցվել 26-ամյա վրացու նկատմամբ, ով մեղադրվում է Չելյաբինսկի մարզի Վերին Ուֆալեյ քաղաքի 20-ամյա բնակչուհու առեւանգման մեջ, երբ աղջիկը հրաժարվել էր ամուսնանալ նրա հետ:
Քննության տվյալներով, փետրվարի 5-ին երիտասարդն ընկերների հետ աղջկան ուժով նստեցրել է մեքենան եւ տարել քաղաքից դուրս: Մեքենան հայտնաբերել են Պոլեվսկոյ քաղաքում: Քննությունը պարզել է, որ ավելի վաղ տղամարդն ու նրա ծնողները մի քանի անգամ փորձել են ստանալ աղջկա ձեռքը, սակայն մերժում են ստացել:
Հարուցվել է քրեական գործ, վրացուն 8 տարվա ազատազրկում է սպառնում: