ԱՄՆ նախկին պետքարտուղար Ջոն Քերրին հայտարարել է, որ իրանական միջուկային գործարքից ԱՄՆ-ի դուրս գալը մեծացրել է երկրների միջեւ ռազմական դիմակայությունը, հայտնում է Press TV-ն:
Քերրիի խոսքով՝ ԱՄՆ նախագահ Դոնալդ Թրամփը, համաձայնագրից դուրս գալով, տարածաշրջանում կոնֆլիկտն «ավելի հավանական է դարձրել»: «Որովհետեւ մարդիկ կան, որնք կցանկանային, որպեսզի Ամերիկայի Միացյալ Նահանգները Իրանը ռմբակոծի»,- ասել է նա:
Վաշինգթոնը հոկտեմբերի 3-ին դուրս է եկել 1955 թվականին ստորագրված Իրանի հետ Բարեկամության, տնտեսական հարաբերությունների եւ հյուպատոսական իրավունքների մասին պայմանագրից:
Թրամփը մայիսի սկզբին հայտնել էր իրանական միջուկային ծրագրի համաձայնագրից երկրի դուրս գալու մասին: Այս գործարքը սահմանափակումներ էր դրել միջուկային ոլորտում Թեհրանի ակտիվության վրա ՄԱԿ ԱԽ պատժամիջոցները եւ այն սահմանափակումները հանելու դիմաց, որոնք ավելի վաղ սահմանել էին ԱՄՆ-ն եւ ԵՄ-ն:
