Իսրայելի պաշտպանության նախարար Ավիգդոր Լիբերմանը շաբաթ օրը կարգադրել է կրճատել Գազայի հատվածում ձկնորսական գոտին՝ անկլավի հետ սահմանին անկարգությունների պատճառով՝ տեղեկացնում է ՌԻԱ Նովոստին։
Հստակեցվում է, որ որոշումն ընդունվել է նշված հատվածում պաղեստինցի եւ իսրայելցի զինվորականների միջեւ բախումներից հետո։
Մարտի վերջից Գազայի հատվածում շարունակվում են, այսպես կոչված, «Վերադարձի մեծ քայլերթ» բողոքի ակցիաները, որոնք պարբերաբար վերածվում են իսրայելցիների հետ արյունոտ բախումների։