News
Լրահոս
News
Երեքշաբթի
Մարտ 26
Տեսնել լրահոսը

Օպերային երգչուհի Մոնսերատ Կաբալյեն կթաղվի Բարսելոնի Սանտ Անդրեի գերեզմանատանը, որտեղ թաղված են նրա ծնողները, հաղորդում է RT-ն, վկայակոչելով Europa Press-ին: Այս մասին հրաժեշտի արարողության ժամանակ ասել է նրա դուստրը:

Թաղման նախօրեին տեղի կունենա հոգեհանգստի արարողությունը, սակայն երգչուհու ընտանիքը դեռ չի որոշել թե որ եկեղեցում:

Ավելի վաղ լրատվամիջոցները հաղորդել էին, որ Իսպանիայի վարչապետ Պեդրո Սանչեսը կմասնակցի Բարսելոնում Մոնսերատ Կաբալյեի հուղարկավորությանը:

Հանրահայտ երգչուհու մահվան մասին հայտարարվել է հոկտեմբերի 6-ին։ «ՌԻԱ Նովոստի»-ն հայտնել է, որ Կաբալյեն սեպտեմբերի վերջին միզապարկի խնդիրների հետ կապված բուժման կուրս էր անցնում Բարսելոնի բուժհաստատություններից մեկում:

Հիշեցնենք, որ Մոնսերատ Կաբալյեն երկու անգամ այցելել է Արցախ՝ 2013-ին եւ 2014-ին։ 2014 թվականին նա Ստեփանակերտում բացառիկ համերգ է տվել՝ նվիրված հրադադարի 20 ամյակին։ Իր այդ այցերի համար նա սուր քննադատության է արժանացել ադրբեջանական իշխանությունների կողմից եւ ներառվել է Ադրբեջանի «սեւ ցուցակում»։

Դյութիչ սոպրանոյի ձայնով Մոնսերատ Կաբալյեն (ամբողջական անունը՝ Մարիա դե Մոնսերատ Վիվիանա Կոնսեպսիոն Կաբալյե եւ Ֆոլկ) ծնվել է 1933 թվականին ապրիլի 12-ին Բարսելոնում։ Նա հայտնի է դարձել իր բելկանտո տեխնիկայով եւ իտալական դասական օպերաներում դերակատարումներով։ Հսկայական երգացանկ (88 դեր), մոտ 800 կամերային ստեղծագործություններ։ Իր կարիերայի ընթացքում Կաբալյեն կատարել է ամենաբազմազան պարտիաներ։

Ռոքի սիրահարներին երգչուհին հայտնի է Queen խմբի վոկալիստ Ֆրեդի Մերկուրիի հետ համատեղ Barcelona (1988) ալբոմով եւ շվեյցարական Gotthard խմբի հետ 1997-ին ձայնագրած One Life One Soul ռոք-բալլադով:

 

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Լիդիա Ֆեդոսեեւա-Շուկշինան հիվանդանոցում է․ Բարի Ալիբասովը պատմել է նրա վիճակի մասին
Նա հիվանդանոցում է պլանային բուժզննման համար․․․
«Գարունը Զարեչնայա փողոցում» ֆիլմի ռեժիսոր Մարլեն Խուցիեւը վերակենդանացման բաժանմունքում է․ ԶԼՄ-ներ
93-ամյա կինոգործչին հիվանդանոց են տեղափոխել տնից․․․
Հայ ժողովրդի բարեկամ Կիմ Բակշին կտակել է իր աճյունի մի մասը ցրել Հայաստանում կամ Արցախում
Իմ այս նամակով եւ վերջին ցանկությամբ ես կրկին հաստատում եմ Հայաստանի, Արցախի հանդեպ իմ անդավաճան սերը․․․
Նա երբեք չէր կոտրվում, չէր ընկճվում. Ջհանգիրյանի հուշերը` Սմբատ Այվազյանի մասին
Ջհանգիրյանը հավելեց, որ Սմբատ Այվազյանը նաեւ քաղբանտարկյալ էր…
Մարդ, որ իր ամբողջ կյանքը նվիրեց հայրենիքին. Սմբատ Այվազյանն այսօր կդառնար 60 տարեկան
Կարեւոր չէ` երբ ենք ճանաչել Սմբատ Այվազյանին, կարեւորն այն է, որ մենք անցել ենք ճանապարհ…
Այս բոլոր տարիներին զգում էի նրա ներկայության կարիքը. Միքայել Աջապահյանը՝ Մեսրոպ Մութաֆյանի մասին
Հանգչիր խաղաղությամբ, սիրելի ավագ եղբայր...
Ամենաշատ