Mac OS-ի օպերացիոն համակարգում առավել խոցելի տեղերից մեկը արդեն ներբեռնված հավելվածներն են: Այս եզրակացության է եկել հավելվածների մշակման ոլորտի փորձագետ Թոմաս Ռիդը, հաղորդում է «ՌԻԱ Նովոստին»` վկայակոչելով Virus Bulletin-ին:
Նա բացատրել է, որ երբ օգտատերը ներբեռնում է ինչ-որ ծրագիր, այն ստուգվում է անվտանգության համակարգով: Սակայն տեղադրվելուց հետո հավելվածը տեղափոխվում է ստուգվածների ցանկ, եւ հաքերները կարող են առանց ծածկագրի ստորագրության ստուգման մուտք գործել դրա մեջ , քանի որ կրկնակի ստուգումները հազվադեպ են կատարվում:
Այսպիսով բազմաթիվ macOS հավելվածները անպաշտպան են դառնում հարձակումների ժամանակ, եզրափակել է Ռիդը: Նրա խոսքով, մշակողները կարող են վերացնել խոցելիությունըիրենց հավելվածների ծածկագրում կանոնավոր կրկնակի ստուգումներ ավելացնելով: