Հնդկաստանը հուսով է, որ, իրանական նավթի ներմուծման հետ կապված, կարող է ապահովել ամերիկյան պատժամիջոցներում զիջողականությունը՝ մինչ նոյեմբերի սկզբին դրանց կիրառումը՝ տեղեկացնում է Reuters-ը՝ վկայակոչելով հնդկական պաշտոնյաներին։
Ավելի վաղ Վաշինգտոնը հայտարարել էր, թե դիտարկում է Իրանի դեմ պատժամիջոցների չեղարկումը, քանի որ դրանց հետեւանքով կրճատվում է իրանական նավթի ներմուծումը։
Վերջին ամիսներին Հնդկաստանը կրճատել է իրանական նավթի ներմուծումը։ Նավթի նախարար Դխարմենդրա Պրադխանը լրագրողներին հայտնել էր, որ Նյու Դելին «համապատասխան իշխանությունների հետ» քննարկում է պատժամիջոցների չեղարկման հարցը։
«Դա բանակցությունների բավական բարդ գործընթաց էր»,- ասել է Սանջար Սուդխիրը, ով նավթի նախարարությունում զբաղվում է միջազգային կապերով։ Նա հավելել է, որ իրենք փորձել են հավասարակշռել հարաբերությունները թե՛ ԱՄՆ-ի, թե՛ Իրանի հետ՝ պահպանելով էներգետիկայի եւ անվտանգության ոլորտում իրենց շահերը։
Նա նաեւ տեղեկացրել է, որ հնդկական նավթամշակման գործարանները սկսել են ԱՄՆ-ից նավթ ներմուծել, սակայն գնումները սահմանափակվել են ամերիկյան համապատասխան ենթակառուցվածքների կողմից։
