ՆԱՍԱ-ի ղեկավար Ջիմ Բրայդենսթայնը չի բացառել, որ բացի երկրից կյանքը կարող է Արեգակնային համակարգում ինչ-որ տեղ էլ գոյություն ունենալ՝ տեղեկացնում է ՌԻԱ Նովոստին։
«Մենք դեռեւս կարող ենք Երկրից դուրս կյանք հայտնաբերել»,- Մոսկվայի պետական համալսարանում դասախոսության ժամանակ ասել է նա։
«Եթե մենք կյանք հայտնաբերենք մեր Արեգակնային համակարգի շրջանակներում, դա ուղղակիորեն կազդի տիեզերական ոլորտում մեր կառավարությունների քաղաքականության վրա»,- ասել է ՆԱՍԱ-ի ղեկավարը։
Ըստ նրա՝ ամենահարմար տեղը Յուպիտերի արբանյակ Եվրոպան է, որը ծածկված է սառցաշերտով, որի տակ էլ կարող է օվկիանոս լինել։
Բրայդենսթայնի խոսքերով՝ Եվրոպան կարող է դառնալ տիեզերական ուսումնասիությունների հաջորդ նպատակակետը։