Երեւանի նորընտիր քաղաքապետ Հայկ Մարությանի երդման արարողությունը տեղի կունենա հոկտեմբերի 13–ին։ Այս որոշումն ընդունվեց այսօր՝ հոկտեմբերի 10–ին, նորընտիր ավագանու առաջին նիստի ժամանակ։
Երդման արարողությունը տեղի կունենա քաղաքապետարանում ժամը 12։00–ին։
Նշենք, որ սեպտեմբերի 23–ին տեղի է ունեցել Երեւանի ավագանու արտահերթ ընտրություններ, որի արդյունքներով «Իմ քայլը» դաշինքը ստացել է 57 մանդատ, ԲՀԿ–ն՝ 5, իսկ «Լույս» դաշինքը՝ 3։ Օրենքի ուժով «Իմ քայլը» դաշինքի ցուցակը գլխավորող Հայկ Մարությանն այսօր դարձել է Երեւանի քաղաքապետ։